"Ysraýyl Trampy Ýalňyşdyrdy”

Eýranyň Prezidenti Hasan Ruhani, ýadro ylalaşygy meselesinde bu hepde netije alnyp bilinjekdigini aýtdy.

Paýtagt Tähranda geçirlen Ministrler kabinetiniň mejlisinden soň metbugata beýannama beren Ruhani, ABŞ-nyň Eýrana goýan sanksiýalary we ýadro ylalaşygy hakynda durup geçdi.

Ysraýylyň ABŞ-nyň ozalky Prezidenti Donal Trampy ýalňyşdyrandygyny we ýalňyş gönükdirendigini aýdan Ruhani, Jo Baýdeniň ýolbaşçylygyndaky täze hökümetiň ozalky hökümetiň goýberen ýalňyşlyklarynyň öwezini dolmalydygyny nygtady.

Ruhani, “ABŞ-da täze hökümetiň iş başyna gelmegi bilen ýagdaý biraz üýtgedi. Ozalky hökümetiň goýberen ýalňyşlyklaryny boýun aldylar. Käbir başlangyçlar edildi we ozalky hökümetiň BMG-na hödürlän teklibini yzyna aldylar. Emma biz sanksiýalaryň bes edilmegini isleýäris we bu meselede ABŞ-nyň heniz anyk tagalla etmedi” diýdi.