Nigeriýada Zamun Alynan Okuwçylardan 279-y Halas Edildi

Ýaragly adamlar 26-njy fewralda ir ertir guran hüjüminde 317 okuwçyny zamun alypdy

1593466
Nigeriýada Zamun Alynan Okuwçylardan 279-y Halas Edildi

Nigeriýanyň Zamfara welaýatynda 26-njy fewralda ýaragly adamlar tarapyndan zamun alynan okuwçylardan 279-y halas edildi.

Welaýat häkimi Bello Muhammed Matawalle, beren beýannamasynda, ýatymlaýyn litseýe guralan hüjümde zamun alynan okuwçylardan 279-nyň halas edilendigini we gyzlaryň ýagdaýynyň gowudygyny belledi.

Matawalle okuwçylaryň nähili ýagdaýda halas edilendigi hakynda maglumat bermedi.

Galan 31 okuwçynyň halas edilmegi üçin tagalla edilýändigi bellenildi.

Ýaragly adamlar 26-njy fewralda ir ertir guran hüjüminde 317 okuwçyny zamun alypdy.

Hüjümiň yzy ýanynda 7 okuwçy ýaragly adamlaryň elinden gaçmagy başarypdy.

Welaýat häkimi Matawalle zamun alynan okuwçylaryň halas edilmegi üçin hökümetiň talap ediljek puly tölejekdigini mälim edipdi.



Degişli Habarlar