Jo Baýden, Saud Arabystanyny Şasy Salman Bin Abdulaziz Bilen Telefon Arkaly Söhbetdeşlik Geçirdi

ABŞ-nyň Prezidenti Jo Baýden, Saud Arabystanynyň Şasy Salman Bin Abdulaziz bilen telefon arkaly söhbetdeşlik geçirdi.

Ak Tamdan berlen ýazmaça beýannamada, Baýden bilen Şa Salmanyň telefon arkaly söhbetdeşlik geçirendigi nygtaldy.

Beýannamada iki lideriň telefon söhbetdeşliginde özara gatnaşyklar bilen birlikde sebitara howpsyzlyk meselesi hakynda pikir alyşandygy, şol çakde Ýemendäki içerki urşyň bes edilmegi üçin BMG we ABŞ tarapyndan edilýän tagallalaryň dowam etdirilmeginiň we Saud Arabystanynyň Eýran tarapyndan goldanýan ýaragly toparlaryň hüjümlerinden goralmagynyň ähmiýetine ünsi çekendigi bellenildi.

Beýannamada, ABŞ-nyň saudy aktiwistleriň boşadylmagyna oňyn garaýandygyna üns çekildi we “Prezident Baýden, ABŞ-nyň ähliumumy adam hukuklaryna we hukugyň üstünligine sarpa goýýandygyny ýene-de bir gezek nygtady” diýildi.

Beýannamada liderleriň özara bähbide esaslanýan gatnaşyklaryň ösdürilmegi meselesinde ylalaşyk gazanandygy ýatladyldy.