Koronawirus Täsirini Dowam Etdirýär

Dünýäde täze görnüş koronawirus epidemiýasy sebäpli ýogalanlaryň sany 2 million 454 müň 216, wirusa ýoluganlaryň sany 110 million 929 müň, sagalanlaryň sany 85 million 871 müň adamdan geçdi.

Epidemiýanyň merkezi ABŞ-da koronawirus sebäpli 505 müň 309 adam ýogaldy, 28 million 523 müň 520 adam hem hasaba alyndy.

Britaniýada wirus sebäpli ýogalanlaryň sany 454 adam artyp 119 müň 387, wirusa ýoluganlaryň sany 12 müň 57 adam artyp 4 million 83 müň 242 adama ýetdi. Ýurtda Kovid-19 sanjymynyň birinji dozasyny etdirenleriň sany 16 million 423 müň adamdan geçdi. 573 müň 724 adama hem sanjymyň ikinji dozasy edildi.

Italiýada epidemiýa sebäpli ýogalanlaryň sany soňky 24 sagatda 347 adam artyp 94 müň 887, wirusa ýoluganlaryň sany 13 müň 762 adam artyp 2 million 765 müň 412 adama ýetdi.

Watikan, sanjym etdirmek islemeýänleriň, beýleki işgärleriň saglygyna howp salýandyklary sebäpli işden çykarlyp bilinjekdigini mälim etdi. Watikanda 5 müňe golaý adam işleýär.

Fransiýada Kovid-19 sebäpli 83 müň 393 adam ýogaldy, hasaba alynan kesellileriň sany 22 müň 501 adam artyp 3 million 536 müň 648 adama ýetdi.

Koronawirus Ispaniýada 66 müň 704 adamyň ýogalmagyna, 2 million 121 müň 687 adamyň hem hasaba alynmagyna sebäp boldy.

Finlandiýada epidemiýa sebäpli 725 adam ýogaldy, 52 müň 209 adam hem hasaba alyndy. Ýurtda koronawirusyň ozal gabat gelinmedik görnüşi ýüze çykdy.

Germaniýada Kovid-19 sebäpli ýogalanlaryň sany soňky 24 sagatda 508 adam artyp 67 müň 547, wirusa ýoluganlaryň sany 9 müň 113 adam artyp 2 million 372 müň 209 adama ýetdi.