Eýranda koronawirus sebäpli ýogalanlaryň sany 59 müň 117 adama ýetdi
Ýurtda hasaba alynanlaryň sany bolsa 1 million 534 müň 34 adama ýetdi
Dünýäde täze görnüş koronawirus epidemiýasy sebäpli ýogalanlaryň sany 2 million 430 müň 800 adama, wirusa ýoluganlaryň sany 110 million 70 müň adama, saglyk ýagdaýy gowulaşanlaryň sany bolsa 84 million 901 müň adama ýetdi.
Hindistanda koronawirus epidemiýasy sebäpli ýogalanlaryň sany soňky 24 sagatda 109 adamlyk artyş bilen 155 müň 949 adama, wirusa ýoluganlaryň sany bolsa 11 müň 795 adamlyk artyş bilen 10 million 937 müň 320 adama ýetdi.
Epidemiýa sebäpli 59 müň 117 adamyň ýogalan, 1 million 534 müň 34 adamyň hasaba alynan Eýranda, Saglygy goraýyş ylymlary uniwersitediniň başlygy Jelil Kuhpaýezade, paýtagt Tähranda 5-17 ýaş aralygyndaky çagalaryň arasynda Kowid-19-a ýolugýanlaryň sanynda artyş hasaba alynandygyny mälim etdi.
Koronawirus epidemiýasy sebäpli 1777 adamyň ýogalan, 148 müň 296 adamyň wirusa ýolugan Nigeriýada hökümet, koronawirusa garşy göreşiň çäginde ýene-de 1,4 million doza AstraZeneka kärhanasy tarapyndan öndürilen sanjym alar.
Kowid-19 epidemiýasy sebäpli 7 müň 15 adamyň ýogalan, 417 müň 765 adamyň hasaba alynan Ýaponiýada koronawirusa garşy saglyk goraýyş edaralarynyň işgärlerine sanjym edilmäge başlandy. Ýaponiýada öňümizdäki hepdä çenli saglygy goraýyş edaralarynyň 40 müň işgärine sanjymyň ilkinji dozasynyň edilmegi meýilleşdirilýär.
Koronawirus epidemiýasy sebäpli 13 müň 192 adamyň ýogalan, 649 müň 982 adamyň hasaba alynan Yrakda, Nejef welaýatynyň gubernatory Lueý al-Ýasiri, Kowid-19-a garşy göreşiň çäginde beýleki şäherler bilen serhetlerini 4 gün ýapmak barada karar kabul etdi.
