Eýranda Kowid-19 epidemiýasy sebäpli ýogalanlaryň sany soňky 1 günde 83 adam artdy
Ýurtda wirusa ýoluganlaryň sany 1 million 318 müň 295 adama ýetdi
Dünýäde täze görnüş koronawirus epidemiýasy sebäpli ýogalanlaryň sany 2 million 4 müň 980 adama ýetdi. Dünýä derejesinde wirus ýokanlaryň sany 93 million 640 müň adama, saglyk ýagdaýy gowulaşanlaryň sany bolsa 66 million 942 müň adama ýetdi.
Eýranda Kowid-19 epidemiýasy sebäpli ýogalanlaryň sany soňky 1 günde 83 adam artyp, jemi 56 müň 621 adama ýetdi. Ýurtda wirusa ýoluganlaryň sany bolsa şol wagt aralygynda 6 müň 485 adamlyk artyş bilen, 1 million 318 müň 295 adama ýetdi.
Hindistanda koronawirus epidemiýasy sebäpli ýogalanlaryň sany 151 müň 954 adama, wirusa ýoluganlaryň sany 10 million 528 müň 508 adama ýetdi.
Täze görnüş koronawirus epidemiýasy sebäpli ýogalanlaryň sany Müsürde 8 müň 421 adama, Marokkoda 7 müň 854 adama, Tunisde 5 müň 478 adama ýetdi.
Bütindünýä Saglygy goraýyş guramasynyň Afrika materiginiň direktory Dr. Matshidiso Moeti, koronawirus epidemiýasynyň materikde çalt depginler bilen ýaýbaňlanýandygyny belläp: "Afrika materigine Kowid-19 sanjymlary mart aýynda barmalydyr" diýip beýan etdi.
DKTR-da koronawirusa garşy sanjym programmasy şu gün başlap, ýurdyň Prezidenti Ersin Tatar, sanjym bolan ilkinji adam boldy. Türkiýeden 14-nji ýanwarda Kowid-19-a garşy göreşiň çäginde DKTR-e 20 müň sany Sinovac sanjymy ugradylypdy.
Ysraýylda soňky 24 sagatda ýene-de 43 adamyň ýogalmagy bilen ýurtda koronawirus sebäpli ýogalanlaryň sany jemi 3 müň 869 adama ýetdi. Ýurtda wirusa ýoluganlaryň sany bolsa 9 müň 172 adamlyk artyş bilen, 531 müň 791 adama ýetdi.
Dünýäniň beýleki ýurtlarynda Koronawirus epidemiýasy sebäpli adam ýitgileri: Russiýada 64 müň 495 adam, Günorta Afrika Respublikasynda 35 müň 852 adam, Indoneziýada 25 müň 484 adam, Yrakda 12 müň 922 adam we Pakistanda 10 müň 863 adam ýogaldy.
