ABŞ-da 9 Milliona Golaý Adama Kovid-19 Sanjymy Edildi

Dünýäde täze görnüş koronawirus epidemiýasy sebäpli ýogalanlaryň sany 1 million 952 müň 985, wirusa ýoluganlaryň sany 91 million 322 müň, sagalanlaryň sany 65 million 317 müň adamdan geçdi.

ABŞ-da epidemiýa sebäpli 385 müň 249 adam ýogaldy, 23 million 143 müň 197 adam hem hasaba alyndy. ABŞ-nyň prezidentligine saýlanan Jo Baýden ikinjş koronawirus sanjymyny etdirdi. Baýden birinji sanjymyny kameralaryň öňünde 21-nji dekabrda etdiripdi. Ýurtda häzire çenli 9 milliona golaý adama Kovid-19 sanjymy edildi.

Britaniýada wirus sebäpli ýogalanlaryň sany soňky 24 sagatda 529 adam artyp 81 müň 960, wirusa ýoluganlaryň sany 46 müň 169 adam artyp 3 million 118 müň 518 adama ýetdi.

Italiýada Kovid-19 sebäpli ýogalanlaryň sany 1 günde 448 adam artyp 79 müň 203, hasaba alynan kesellileriň sany 12 müň 532 adam artyp 2 million 289 müň 21 adama ýetdi.

Fransiýada koronawirus sebäpli ýogalanlaryň sany soňky 24 sagatda 310 adam artyp 68 müň 60, wirusa ýoluganalryň sany 3 müň 582 adam artyp 2 million 786 müň 838 adama ýetdi. Fransiýada häzire çenli 138 müň 351 adama koronawirus sanjymy edildi.

Ispaniýada Kovid-19 sebäpli ýogalanlaryň sany soňky 3 günde 401 adam artyp 52 müň 275, hasaba alynan kesellileriň sany 3 günde 6 1 müň 422 adam artyp 2 million 111 müň 782 adama ýetdi. Ýurtda soňky iki hepde-de wirusa ýoluganlaryň sanynyň artandygy sebäpli goşmaça çäreleriň giriziljekdigi habar berildi.

Portugaliýanyň Saglygy goraýyş ministrligi, Kovid-19 sebäpli soňky 24 sagatda ýogalanlaryň sanynyň 122 adam artyp 7 müň 925, hasaba alynan kesellileriň sanynyň 5 müň 604 adam artyp 489 müň 293 adama ýetendigini habar berdi. Prezident Marselo Rebelo de Sousa hem koronawirusyň ýokaşandygy anyklandy. 72 ýaşyndaky prezidentiň saglyk ýagdaýynyň gowudygy nygtaldy.

Koronawirus Polşada 31 müň 264 adamyň ýogalmagyna, 1 million 390 müň 385 adamyň hem hasaba alynmagyna sebäp boldy.

Ekwadorda epidemiýa sebäpli 14 müň 184 adam ýogaldy, 221 müň 506 adam hem hasaba alyndy. Ýurtda Britaniýada ýüze çykan koronawirusyň has çalt ýokaşýan görnüşine gabat gelindi.

Kolumbiýada Kovid-19 sebäpli 46 müň 114 adam ýogaldy, 1 million 786 müň 900 adam hem hasaba alyndy. Daşary işler ministri Bluma koronawirusyň ýokaşandygy anyklandy.

Kanadada koronawirus sebäpli ýogalanlaryň sany soňky 5 günde 724 adam artyp 17 müň 41, wirusa ýoluganlaryň sany 41 müň 514 adam artyp 666 müň 67 adama ýetdi.