Owganystanda Talibana garşy guralan howa hüjüminde asuda ilatdan 12 adam ýogaldy
Nimruz welaýatynyň gubernatorlygynyň metbugat sekretary Rahmatullah Ömeri waka bilen bagly derňew işiniň geçirilýändigini aýan etdi
Owganystanyň günbataryndaky Nimruz welaýatynda Owganystanyň Harby-howa güýçleri tarapyndan Talibana garşy guralan howa hüjüminde asuda ilatdan 12 adam ýogaldy.
Nimruzyň welaýat şurasynyň balygy Baz Muhammed Nasyr metbugata beren beýanatynda, Owganystanyň Harby-howa güýçleriniň Nimruz welaýatynyň Haşrud etrabynyň Manzari diýilen ýerinde Talibana garşy howa hüjüminiň guralandygy mälim edildi.
Nasyr, howa hüjüminde raketalaryň biriniň öýleriň birine degmegi netijesinde asuda ilatdan 12 adamyň ýogalandygyny, 2 adamyň bolsa ýaralanandygyny habar berdi.
Nimruz welaýatynyň gubernatorlygynyň metbugat sekretary Rahmatullah Ömeri waka bilen bagly derňew işiniň geçirilýändigini aýan etdi.
Degişli Habarlar
Gazada Ýogalanlaryň Sany 33 Müň 970 Adama Ýetdi
Ysraýylyň harby goşuny 195 günden bäri Gaza Sektoryny bombalaýar.
Ysraýyl Bilen Hizbullahyň Arasyndaky Çaknyşyklar Dowam Edýär
Ysraýyl, Liwanyň günortasynda ýerleşýän Hiýam etrapçasyna hüjüm gurady.
