Dünýäde Kowid-19 sebäpli ýogalanlaryň sany 1 million 908 müň 590 adama ýetdi

Dünýä derejesinde koronawirus epidemiýasy sebäpli ýogalanlaryň sany 1 million 908 müň 590 adama, wirusa ýoluganlaryň sany 88 million 595 müň adama, saglyk ýagdaýy gowulaşanlaryň sany bolsa 63 million 685 müň adama ýetdi. 

Hindistanda koronawirus sebäpli ýogalanlaryň sany 150 müň 606 adama ýetdi. Ýurtda wirusa ýoluganlaryň sany bolsa 10 million 414 müň adamdan geçdi. 

Kowid-19 epidemiýasy sebäpli 208 adamyň ýogalan Şri-Lankada hökümet eýýäm ençeme wagt bäri jedelleşilip gelinýän epidemi sebäpli ýogalan adamlaryň jesetleriniň dinine garamazdan krematoriýalarda ýakylmaga dowam ediljekdigini habar berdi. Ýurtda wirus sebäpli ýogalanlaryň aglabasy musulmanlardan ybarat. 

Koronawirus sebäpli 55 müň 933 adamyň ýogalan Eýranda, ýurdyň dini lideri Aýetullah Ali Hamaneý ABŞ we Beýik Britaniýa tarapyndan oýlanyp tapylan sanjymlaryň alynmajakdygyny habar berdi. 

Ysraýylyň Saglygy goraýyş ministrliginiň berýän habaryna görä, ýurtda 3 müň 549 adam koronawirus sebäpli ýogaldy, wirusa ýoluganlaryň sany bolsa 470 müň adamdan geçdi. Premýer ministr Binýamin Netanýahu, mart aýynyň ahyryna çenli 16 ýaşdan ýokary ähli raýatlara koronawirus sanjymynyň ediljekdigini habar berdi. 

Tunisiň Saglygy goraýyş ministrliginden berilen beýanatda, koronawirus sebäpli ýene-de 48 adamyň ýogalandygy we ýene-de 2 müň 373 adamyň wirusa ýolugandygy mälim edildi. Soňky görkezijiler bilen birlikde ýurtda adam ýitgisi 5 müň 52 adama, wirusa ýoluganlaryň sany bolsa 152 müň 254 adama ýetdi. 

Marokkonyň Saglygy goraýyş ministrliginden berilen ýazmaça beýanata görä, ýurtda Kowid-19 sebäpli ýene-de 27 adam ýogaldy we ýene-de 1 müň 597 adam hasaba alyndy. Şeýlelik bilen epidemiýa sebäpli ýogalanlaryň sany 7 müň 645 adama, wirusa ýoluganlaryň sany bolsa 448 müň 678 adama ýetdi. 

Afrika materiginde koronawirus epidemiýasy sebäpli ýogalanlaryň sany 70 müň 649 adama, wirusa ýoluganlaryň sany bolsa 2 million 965 müň 221 adama ýetdi. 

Günorta Afrika Respublikasynyň Saglygy goraýyş ministrliginiň berýän habaryna görä, soňky 24 sagatda ýene-de 441 adamyň ýogalmagy bilen koronawirus epidemiýasy sebäpli jemi ýogalanlaryň sany 31 müň 809 adama ýetdi. Ýurtda hasaba alynanlaryň sany bolsa 1 million 170 müň 590 adama ýetdi. 

Kowid-19 epidemiýasy sebäpli beýleki käbir ýurtlardaky adam ýitgileri: Russiýada 60 müň 911 adam, Indoneziýada 23 müň 520 adam, Yrakda 12 müň 869 adam we Pakistanda 10 müň 558 adam.