Gresiýa, ÝB bilen Türkiýäniň arasynda bosgunlar meselesinde şertnama baglaşylmagyny teklip etdi
Miçotakis hatynda ÝB -den bosgunlaryň sanyna görä, Türkiýä maddy taýdan goldaw berilmegini isleýär
Gresiýa, ÝB bilen Türkiýäniň arasynda bosgunlar meselesinde täze şertnamanyň baglaşylmagyny teklip etdi.
Gresiýanyň Premýer ministri Kirýakos Miçotakis, Fransiýanyň Prezidenti Emmanuel Makrona we Germaniýanyň Federal Kansleri Angela Merkele hat ýazyp, ÝB bilen Türkiýäniň arasynda bosgunlar meselesinde täze şertnamanyň baglaşylmagyny teklip etdi.
Grek “Proto Thema” gazetinde berlen habara görä, Premýer ministr Miçotakis hatynda, Ýewropa ýurtlaryna bosgunlaryň gitmeginiň öňüniň alynmagynda Türkiýe bilen hyzmatdaşlyk edilmeginiň uly rol oýnaýandygyny nygtap, ÝB bilen Türkiýäniň arasynda täze maliýe mehanizminiň döredilmegini öz içine alýan şertnamanyň baglaşylmagyny isledi.
Hatynda, Türkiýäniň bosgun akymlaryny dolulygyna gözegçilik etmek güýjüne eýedigine ünsi çeken Miçotakis, Ankaranyň migrantlary ÝB-ne garşy basyş hökmünde ulanýandygyny öňe sürdi.
Miçotakis hatynda ÝB -den bosgunlaryň sanyna görä, Türkiýä maddy taýdan goldaw berilmegini isleýär
