Taýlantda guralan ýaragly hüjümde 26 adam ýogaldy
Ýurdyň Premýer ministri Praýut metbugat işgärlerine hüjüm bilen baglanşykly maglumat berdi
Taýlantda düýn harby birikmede serkerdesini öldüreninden soň, golaýdaky söwda merkezine girip asuda ilata gyran harbynyň guran ýaragly hüjüminde 26 adam ýogaldy, 57 adam ýaralandy.
Bangkok Post gazediniň berýän habaryna görä, Premýer ministri Praýut Çan-O-Ça, ýaralanan adamlaryň bejergi alýan hassahanasyna baranynda, metbugat işgärlerine hüjüm bilen baglanşykly maglumat berdi.
Premýer ministr Praýut Çan-O-Ça, Nakhon Ratçasima şäherindäki harby birikmede işleýän ofiseriň guran hüjüminde 26 adamyň ýogalandygyny, 57 adamyň ýaralanandygyny aýan etdi.
Jakrapanth Thomma atly 32 ýaşyndaky harby, düýn ýerli wagt bilen 15:00-da otagyna barýan serkerdesini we 1 zenany öldüreninden soň, ýanyna alan ýarag we ok-däri bilen birlikde söwda merkezleriniň birine bardy we asuda ilata od açmaga başlady.
Hüjümini sosial medianyň üsti bilen göni ýaýlym arkaly görkezen hüjümçi, söwda merkezinde asuda ilaty zamun alypdy.
18 sagatlap binany gabaw astyna alan polisiýa işgärlerine garşy direnen hüjümçi, şu gün irden ýerli wagt bilen 09:00-da snaýperler tarapyndan od açylyp, öldürildi.
Degişli Habarlar
Owganystanda Syýahatçylara Guralan Hüjümiň Jogapkärçiligini DEAŞ Öz Üstüne Aldy
Hüjümde 3-i Ispaniýanyň, 3-i hem Owganystanyň raýaty bolan 6 adam ýogalypdy.
