Sudanly oppozisonerlere görä ýogalanlaryň sany 108 adama ýetdi
Resmi maglumata görä bolsa ýogalan adamlaryň sany 46-dan geçmedi
Sudanly oppozisioner lukmanlar, howpsyzlyk güýçleriniň şu hepdäniň duşenbe güni ýurdyň paýtagtynda demonstrantlara garşy od açmagy netijesinde we ondan soň bolan wakalarda ýogalan adamlaryň sanynyň 108-e ýetendigini beýan etdiler.
Sudan Lukmanlar komitediniň Facebook hasabyndan berilen beýanatda: "Sudandaky wakalarda ýogalan adamlaryň sany 108-e ýetdi. 500-den gowrak ýaraly adam bar" diýip bellendi.
Komitet tarapyndan düýn berilen beýanatda bolsa 100-den gowrak ýogalan adam bilen birlikde Nil derýasyna zyňylan takmynan 40 adamyň jesediniň bardygy öňe sürülipdi.
Resmi maglumata görä bolsa ýogalan adamlaryň sany 46-dan geçmedi.
Sudanyň Saglygy goraýyş ministriniň wekili Süleýman Abdüljabbar, resmi habarlar agentligi SUNA beren beýanatynda, sosial mediada oppozisonerleriň paýlaşan maglumatlaryň nädogrygyny belläp: "Goşuna degişli umumy güýçleriň Kolumbiýa sebitindäki we ondan soň geçiren operasiýalarynda ýogalan adamlaryň sany 46-den geçmedi" diýip nygtady.
Degişli Habarlar
Russiýada Ýadro Türgenleşiginiň Birinji Tapgyry Başlady
Türgenleşige gipersonik “Kinžal” raketalary bilen üpjün edilen uçarlar hem gatnaşar