Hindistanyň Mumbai şäherinde hassahanada ýangyn ýüze çykdy
Wakada 8 adam ýogaldy
Hindistanyň Mumbai şäherindäki hassahanalaryň birinde düýn ýüze çykan ýangynda ýogalan adamlaryň sany 8-e ýetdi.
Hindistanyň metbugatynda berilen habarlara görä, şäheriň etegindäki Andheride 4 gatly ESIC Kamgar hassahanasynda ýüze çykan we elektrik tok liniýasyndaky näsazlyk sebäpli ýüze çykandygy çak edilýän ýangynda ýene-de 2 adamyň ýogalmagy bilen, ýogalanlaryň sanynyň 8-e ýetendigi, aglabasy hassahananyň işgäri we syrkaw bolan 147 adamyň bolsa ýaralanandygy mälim edildi.
Ýangyn söndürijiler, hassahananyň 3-nji gatynda ýüze çykan we gysga wagtda 4-nji gata hem ýaýran ýangynda ýogalanlaryň arasynda bir bäbegiň hem bardygy barada maglumat berdiler.
Gysga wagtda ulalan ýangyndan çykan tüssäniň hassahanany gaplandygyny aýdan resmiler, ýangynda ýaraly halas bolan 140-dan gowrak adamyň tapawutly hassahanalarda bejergi astyna alynandygyny, şolaryň 25-siniň saglyk ýagdaýynyň agyrdygyny habar berdiler.
Resmiler ozal, elektrik tok liniýasyndaky näsazlykdan başlandygy çak edilen ýangynda, 6 adamyň ýogalandygyny, 129 adamyň bolsa ýaralanandygyny beýan edipdiler.
Degişli Habarlar
Nigeriýada Zamun Alynan 64 Çaga Bilen Zenan Boşadyldy
Harby goşun ýaragly başbozarlara garşy geçirýän operasiýasyny dowam etdirýär
Russiýa, Ermenistandaky Ilçisini Yzyna Çagyrdy
Degişli kararyň näme sebäpli kabul edilendigi barada bolsa maglumat berilmedi.