فیفا: ۲۰۲۶ دۆنیا کاپی اویونلاری اوچ اؤلکه‌ده اویناناجاق
۲۰۲۶ دۆنیا کاپی فینالی ۱۹ جولایدا آمریکانین نیویورک بؤلگه‌سینده‌کی مت‌لایف ایستادیوموندا اویناناجاق.
اولوسلارآراسی فوتبال فدراسیونلاری بیرلیگی (فیفا)، ۲۳.جو دفعه تشکیل ائدیله‌جک اولان دۆنیا کاپی چرچیوه‌سینده اویناناجاق اویونلارا کانادا، مکزیک و آمریکا بیرلشمیش دؤولتلرینین ائو صاحیبلیگینی ائدجگینی آچیقلادی.
۲۰۲۶ دۆنیا کاپی فینالی ایسه ۱۹ جولایدا آمریکانین نیویورک/نیو جرسی بؤلگه‌سینده‌کی مت‌لایف ایستادیوموندا اویناناجاق.
۸۲.۵۰۰ ایزله‌ییجی توتوملو مت‌لایف ایستادیومو، شیلی‌نین آرژانتینی مغلوب ائتدیگی ۲۰۱۶ کوپا آمریکن فوتبال تورنمنتینین فینالینا دا ائو صاحبلیگی ائتمیشدی.
فیفا، ۳۹ گۆن داوام ائد‌جک تورنمنتین آچیلیش اویونونون ۱۱ ژوئنده مکزیکو سیتی‌ده‌کی استادیو آزتکا ایستادیوموندا، اوچونجولوک اویونونون ایسه فلوریدانین میامی گاردنس شهرینده‌کی هارد راک ایستادیونوندا اویناناجاغینی بیلدیردی.
دۆنیانین ان بؤیوک فوتبال تورنمنتی قبول ائدیله‌ن دۆنیا کاپی، ایلک دفعه اوچ اؤلکه‌ده گئرچکلشه‌جک.
۴۸ اؤلکه‌نین قاتیلاجاغی تورنمنتده اویونلارین بیر قیسیمی آمریکانین نیو یورک، داللاس، میامی، کانزاس، هیوستون، آتلانتا، لوس آنجلس، فیلادلفیا، سیاتل، سان فرانسیسکو و بوستون شهرلرینده یئر آلان ۱۶ ایستادیومدا گئرچکلشه‌جک.
مکزیکداکی اویونلار ایسه مونتری، گوادالاخارا و مکزیکو سیتی‌ده، کاناداداکی اویونلار ایسه وانکوور و تورونتودا اویناناجاق.
ایلگیلی‌لی خبرلر
آوروپا لیگینده فینالچی‌لار معین‌لشدی
یاریمفینال مرحله‌سی‌نین جاواب قارشیلاشما‌لاری عینی گونده و عینی واختدا کئچیریلیب.
