تورک قیزلاری برزیلی ده مغلوب ائتدی

تورک قیزلاریندان المپیک یولوندا بؤیوک آددیم...
تورک میللی قادین والیبال تیمیمیز، ۲۰۲۴ پاریس المپیک اویونلاری اله‌مه‌لری ب قروپو بئشینجی اویونوندا برزیلی ۳-۰ مغلوب ائتدی.
۵ اویوندا ۵ غلبه الده ائد‌ن والیبالین سلطانلاری، المپیک یولوندا بؤیوک بیر آددیم داها آتدی.
ژاپونون باشکندی توکیوداکی یویوگی ایدمان سالونوندا اوینانان بؤیوک قارشیلاشمانین ایلک ستینی تورکیه  ۲۵-۲۱ قازاندی.
ایکینجی سته یاخشی باشلایان برزیل، اویونون باشلاریندا ۳ ساییلیق فرق یاخالادی.
ستین اورتالارینا دوغرو هوجومدا و ساوونمادا تأثیرلی اوینایان تورک قیزلاری، ستین اورتالاریندا ۱۴-۱۴ده برابرلیک الده ائتدی.
ابرار قاراقوردون سرئیسلری ایله ۳ سایی آلان میللی تیم، ۱۷-۱۴ اؤنه گئچدی.
سون ساییلاری تأثیرلی اوینایان میللی تیم، ۵ ساییلیق فرق یاخالادی.
داها سونرا ۵ سایی آلا‌ن برزیل، حسابی ۲۴-۲۴ برابرلیگه گتیردی.
میللی تیم، سون آنلاری هیجانلی گئچه‌ن ایکینجی ستی ۲۹-۲۷ قاباقدا بیتیردی.
اوچونجو سته هر ایکی تیمده تأثیرلی باشلادی.
ستین باشلاری ۱۰-۱۰ برابرلیکله گئچرکه‌ن، ۳ سایی ایله تورک قیزلاری ۱۰-۱۳ اؤنه گئچدی.
ستین اورتالاریندا ۶ سایی فرق یاخالایان آی-اولدوزلو تیمیمیز، ستی  ۲۵-۱۹، اویونو دا ۳-۰ قازاندی.
۵ اویوندا ۵ اودقو آلاراق یولونا مغلوبیتسیز داوام ائد‌ن والیبالین سلطانلاری، المپیک بلیتی اوچون بؤیوک اوستونلوک الده ائتدی.
برزیل ایسه قروپ مرحله‌سینده‌کی ایلک مغلوبیتینی آلدی.
اله‌مه‌لرده قروپلاریندا "ایلک ۲" سیرادا یئر آلان اؤلکه‌لر، پاریس المپیک اویونلارینا سهمیه قازاناجاق.