تورک قیزلاریندان بیر غلبه داها
تورک میللی قادین والیبال تیمی، ۲۰۲۴ پاریس اولیمپیادا اویونلاری الهمهلری ب قروپو اوچونجو اویونوندا پرونو ۳-۱ مغلوب ائتدی
والیبالین سلطانلاری ۳ اویوندا ۳ اودقو الده ائتدی.
تورک میللی قادین والیبال تیمی، ۲۰۲۴ پاریس اولیمپیادا اویونلاری الهمهلری ب قروپو اوچونجو اویونوندا پرونو ۳-۱ مغلوب ائتدی.
ژاپونون باشکندی توکیوداکی یویوگی ایدمان سالونوندا اوینانان قارشیلاشمادا، ایلک ستی داها تأثیرلی اوینایان تورکیه، بو بؤلومو ۲۵-۱۸ غالیب تاماملارکهن، اؤزللیکله سون بؤلومو چکیشمهلی گئچهن ایکینجی ستی پرو ۲۷-۲۵ قازاناراق حسابی ۱-۱ه گتیردی.
اوچونجو سئتده داها تأثیرلی بیر اویون اورتایا قویان میللی تیم، باسقین اویونونو داوام ائتدیریب، رقیبینه ۸ سایی فرقله ۲۵-۱۷ اوستونلوک ساغلادی و ۲-۱ اؤنه گئچدی.
دؤردونجو سته یاخشی باشلایان پرو، ۷-۴ اؤنه گئچدی آنجاق داوامیندا تورک قیزلاری حسابی ۱۰-۱۰ برابره گتیردی.
بؤیوک چکیشمهنین یاشاندیغی ستین سون بؤلومونه ده ۲۳-۲۳ برابرلیکله گیریلدی.
قالان بؤلومده هر ایکی تیم اویون ساییسی فورصتلری یاخالاسا دا تورکیه، وارگاسین ائیس (Ace) سایییلا سون ستی ۲۹-۲۷، اویونو دا ۳-۱ قازانماغی باجاردی.
ایلک ایکی اویوندا پورتوریکو و بولقاریستانی ۳-۰ مغلوب ائدن تورک قیزلاری، ۳ اویوندا ۳ اودقو ایله یولونا داوام ائتدی.
تورک میللی قادین والیبال تیمی، یارین دؤردونجو اویونوندا آرژانتین ایله قارشی قارشییا گلهجک.
الهمه قروپلاریندا ایلک ۲ سیرادا یئر آلان اؤلکهلر، پاریس المپیک اویونلارینا سهمیه قازاناجاق.
ایلگیلیلی خبرلر
آوروپا لیگینده فینالچیلار معینلشدی
یاریمفینال مرحلهسینین جاواب قارشیلاشمالاری عینی گونده و عینی واختدا کئچیریلیب.
آوروپا لیگینده فینالچیلار معینلشیر
یاریمفینال مرحلهسینین جاواب قارشیلاشمالاری عینی گونده و عینی واختدا کئچیریلهجک.