"قانیمیزدا وار"

زلز‌له فلاکتینین آردیندان فنرباخچادان آنلاملی کمپین...

فنرباخچا کلوبو، "بیرلیک و برابرلیک بیزیم #قانیمیزداوار!" دئیه‌رک، قیزیل آی ایله بیرلیکده اؤنملی بیر امکداشلیغا ایمضا آتدی.

۳ گون داوام ائد‌جک کمپین دونن اۆلکر ایستادیوموندا تۆرکیه ساعاتی ایله ۰۹.۰۰دا باشلادی.

زلزله‌دن قورتولاراق معالیجه آلتینا آلینان وطنداشلاریمیز اوچون باشلادیلان قان باغیشی کمپینینه کلوب چالیشانلاری، ایدمان‌چیلار، اسکی فوتبالچیلار، طرفدارلار و وطنداشلار قاتیلدی.

قان باغیشلایانلار اوچون دستکلرین‌دن اؤترو بیر سرتیفیکت وئریلرکن، گونون آنلا و اؤنمینه گؤره دویغو و دوشونجه‌لرینی پایلاشماق ایسته‌یه‌نلر اوچون بیر ده آنی/خاطره دفتری حاضر توتولدو.

عینی زامان‌دا ایستادیومداکی بیلبوردلارا دا "#قانیمیزداوار! جانلاریمیزا جان اولماق اوچون هر کسی قان وئرمه‌یه دعوت ائدیریک" مئساژی یازیلدی.