"پروتئو، تورکلرین ده اۆرگینه توخوندو"
مکزیک اکیبینین بیر پارچاسی اولان و قورتارما چالیشمالاری سیراسیندا یاشامینی ایتیره‌ن آختارما قورتارما ایتی پروتئو اونودولمادی
ترابزون اسپورون، یوفا آوروپا کنفرانس لیگی پلی آف مرحله‌سی ایلک قارشیلاشماسیندا باز‌لی قوناق ائتدیگی اویون اوچون حاضرلانان کورئوگرافییه دونیا مطبوعاتین‌دا گئنیش یئر وئریلدی.
اؤزللیکله مکزیک اکیبینین یاشامینی ایتیره‌ن آختارما قورتارما ایتی پروتئونون عکسه داخیل ائدیله‌رک اونودولماماسی خبرلره قونو اولدو.
گؤره‌نلری دویغولاندیران کورئوگرافیده، مکزیک اکیبینین بیر پارچاسی اولان و قورتارما چالیشمالاری سیراسیندا یاشامینی ایتیره‌ن آختارما قورتارما ایتی پروتئو دا اونودولمادی.
ایسپانیولجا یایینی اولان نیشن ۳۲۱، "قورتارما ایتی پروتئو یالنیز بوتون مکزیکلیلرین دئییل، تورکلرین ده اۆرگینه توخوندو" سؤزلریله خبره یئر وئررکن؛ اولوسال کانال تلدیاریو، "پروتئو و قورتاریجیلار، تورکیه‌ده‌کی ترابزون اسپور اویونوندا اونورلاندیریلدی" ایفاده‌لرینه یئر وئردی.
لاتین آمریکا اؤلکه‌لرینه یایینی اولان اینفوبه ده خبری، "مکزیک اوردوسونون ایتی پروتئو، آوراسیا خالقینین قلبینی قازاندی" سؤزلریله پایلاشدی.
ال نورتره‌ده، "تورکلر پروتئو و زلزله‌دن ضرر گؤرنلره سایغی دوروشو ائتدی" باشلیغی یئر آلدی.
پروتئونون تعلیمچیسی ایتین سوسیال مئدیادا ادعا ائدیلدیگی کیمی ییخینتی آلتیندا قالاراق اؤلمه‌دیگینی، یاشلی اولماسی، اوزون سۆره‌ن سفرین وئردیگی یورغونلوق و تورکیه‌ده‌کی سویوق ایقلیمین اؤلومونه یول آچدیغی سببلر آراسیندا اولدوغونو ایفاده ائتمیشدی.
۴ آیلیق ایکن آختارما قورتارما، اویوشدوروجو و پاتلاییجی ماده تاپما قروپونا داخیل اولان پروتئو، بو تاریخدن سونرا ۹ ایل ۴ آی بویونجا مکزیکو سیتی‌ده‌کی پلیس توغایی اکیبی ایله بیر چوخ وظیفه‌ده یئر آلمیشدی.
ایلگیلی‌لی خبرلر
آوروپا لیگینده فینالچی‌لار معین‌لشدی
یاریمفینال مرحله‌سی‌نین جاواب قارشیلاشما‌لاری عینی گونده و عینی واختدا کئچیریلیب.
