تورکیه، ایسلامی دایانیشما اویونلاریندا بیرینجی اولدو
میللی ایدمانچیلار ۱۴۵ قیزیل، ۱۰۷ گوموش، ۸۹ برنز اولماق اوزره توپلامدا ۳۴۱ مدال قازاندی
قونیادا گئچیریله‌ن ۵.جی ایسلامی دایانیشما اویونلاری باشا چاتدی.
اویونلار سلجوق اونیوئرسیته‌سی ۱۵ جولای ایستادیوموندا گئرچکلشدی.
قاپانیش مراسیمینه گنجلر و ایدمان باخانی محمد محرم قصاب‌اوغلو و ایسلامی دایانیشما اویونلاری ایدمان فدراسیونو باشقانی عبدالعزیز بن تورکی الفیصل آل سعود قاتیلدی.
داها سونرا ایشیق گؤستریلری ائدیلدی.
قاپانیش مراسیمی استقلال مارشینین سسلندیریلمه‌سی ایله باشلادی.
۵۴ اؤلکه‌دن ۶ مینه یاخین ایدمانچینین گئچیش تؤره‌نی گؤز قاماشدیردی.
ایدمانچیلارین گئچیش آنلاری رنگلی گؤرونتولره صحنه اولدو.
گنجلر و ایدمان باخانی قصاب‌اوغلو اویونلارین بایراغینی ایسلامی دایانیشما اویونلاری ایدمان فدراسیونو باشقانی آل سعودا تحویل وئردی.
مراسیم قونیالیلارین قاتیلیمی ایله قوباد کونسرتی ایله باشا چاتدی.
میللی ایدمان‌چیلاریمیز ایسلامی دایانیشما اویونلاریندا اؤنملی باشاریلارا ایمضا آتدی.
تورکیه، مدال سیرالاماسیندا رکورد قیراراق بیرینجی یئری آلدی.
میللی ایدمانچیلار ۱۴۵ قیزیل، ۱۰۷ گوموش، ۸۹ برنز اولماق اوزره توپلامدا ۳۴۱ مدال قازاندی.
