'۲۰۲۰ توکیو' تاریخین ان باهالی المپیک اویونلاری اولدو

ژاپن حکومتی ۱ ایل ائرته‌لنن و ایزله‌ییجیسیز گئچیریله‌ن ۲۰۲۰ توکیو المپیک اویونلارینین هزینه‌سینی آچیقلادی.

توپلام ۱۳ میلیارد دلارا باشا گلن اویونلار، تاریخین ان باهالی المپیک اویونلاری اولاراق ثبت ائدیلدی.

۱۳ میلیارد دلارلیق خرجی، ژاپنون اویونلاری تشکیل ائتمه حاقی الده ائتدیگی ۲۰۱۳ ایلی حسابلامالارینین تخمیناً ایکی قاتی اولدو.

سالقین سببی ایله اویونلارین ۱ ایل ائرته‌لنمه‌سی و ایزله‌ییجیسیز تشکیل ائدیلمه‌سی یوکسک خرجلرین ان اؤنملی سببی کیمی اؤن پلانا چیخدی.

خرجلرین تخمیناً یوزده ۵۵لیک قیسمی خالقدان توپلانان وئرگیلردن قارشیلاندی.

یئرلی اسپانسرلرین قاتقیسی ایسه ۳ ویرگول ۹ میلیارد دلاردا قالدی.

اولوسلارآراسی المپیک کمیته‌سی ده بودجه‌یه ۱ ویرگول ۳ میلیارد دلار قاتقی وئردی.

آکسفورد اونیوئرسیته‌سینین آراش‌دیرما راپورونا گؤره، '۲۰۲۰ توکیو' تاریخین ان باهالی المپیک اویونلاری اولدو.