قیرمیزی کارت گؤسترن داور اؤلدورولدو
فوتبالچییا قیرمیزی کارت گؤسترهن داور طرفدارلار و فوتبالچیلارین سالدیریسینا اوغرادی
اورتا آمریکا اؤلکهسی السالوادوردا فوتبالچییا قیرمیزی کارت گؤسترهن داور طرفدارلار و فوتبالچیلارین سالدیریسینا اوغرادی.
یارالی اولاراق خستهخانایا چاتدیریلان داور حیاتینی ایتیردی.
اؤتن هفته باشکند سان سالوادوردا اوینانان آماتور اویوندا، داور، بیر اویونچویا قیرمیزی کارت گؤستردی.
کارتا اعتراض ائدن فوتبالچی ایله ۶۳ یاشینداکی داور خوزه آرنولدو آمایا آراسیندا دارتیشما بؤیودو.
فوتبالچیلارین و طرفدارلارین سالدیریسینا اوغرایان داور آمایا آلدیغی ضربهلر نتیجهسینده باییلدی.
ایچ قاناما گئچیرن داور خستهخانادا اؤلدو.
پلیس، سالدیرینین باش شبههلیسی اولاراق یاخالانان شخصین توتوقلاندیغینی آچیقلادی.
ایلگیلیلی خبرلر
آوروپا لیگینده فینالچیلار معینلشدی
یاریمفینال مرحلهسینین جاواب قارشیلاشمالاری عینی گونده و عینی واختدا کئچیریلیب.
آوروپا لیگینده فینالچیلار معینلشیر
یاریمفینال مرحلهسینین جاواب قارشیلاشمالاری عینی گونده و عینی واختدا کئچیریلهجک.