بیرلشمیش میللتلر، چینلی تنیسچینین ساغلیغینا دایر دلیل ایسته‌دی
"هارادا اولدوغونا و یاخشی اولدوغونا دایر دلیله صاحب اولماق اؤنملی. جینسی سالدیری ادعالارینین دا تام شفافلیقلا آراشدیریلماسینی ایسته‌ییریک"
بیرلشمیش میللتلر، چینین اسکی باشباخان کؤمکچی‌سی ژانگ گائولی طرفین‌دن جینسی ساتاشمایا اوغرادیغینی ادعا ائتدیگی سوسیال مئدیا پایلاشیمین‌دان بری اؤزون‌دن خبر آلینا بیلمه‌یه‌ن چینلی تنیسچی پنگ شوایی‌نین هارادا و نئجه اولدوغونا دایر دلیل ایسته‌دی.
بیرلشمیش میللتلر اینسان حاقلاری افیسی سؤزچوسو لیز تروسل، سوئیسین ژنو شهرین‌ده ژورنالیستلره وئردیگی آچیقلامادا،
"هارادا اولدوغونا و یاخشی اولدوغونا دایر دلیله صاحب اولماق اؤنملی. جینسی سالدیری ادعالارینین دا تام شفافلیقلا آراشدیریلماسینی ایسته‌ییریک" دئدی.
چین دؤولت کانالی، پنگ شوایی‌نین قلمین‌دن اولدوغو ادعاسییلا مکتوب یایینلامیش آنجاق قادینلار تنیس بیرلیینین (WTA) باشقانی و اوست یؤنتیچی‌سی استیو سیمون،
"بو مکتوب، اونون هارادا اولدوغونا و یا گوونلیگینین تامین ائدیلیب ائدیلمه‌دیگینه باغلی قایغیلاریمین داها دا آرتماسینا سبب اولدو" دئمیشدی.
ایلگیلی‌لی خبرلر
شامپیون‌لار لیگی: پاری سن ژرمن "بوروسیا"نی قبول ائده‌جک
بو گون یوفا شامپیون‌لار لیگینده یاریمفینال مرحله‌سی‌نین جاواب اویون‌لارینا ایستارت وئریله‌جک.
