کریستیانو رونالدو یئنی رکوردلارا ایمضا آتیب

کریستیانو رونالدو شامپیون‌لار لیگینده یئنی رکوردلارا ایمضا آتیب.

"منچستر یونایتد"ین پورتوقالیا‌لی اولدوزو شریکی اولدوغو بیر گؤستریجیده مطلق رکورد ووروب، اؤزونون مخصوص اولدوغو اوچ نایلیتی ایسه داها دا یاخشیلاشدیریب. شامپیون‌لار لیگی‌نین ایکینجی  تورونون "ویارئال"لا قارشیلاشماسی (2:1) اولدوز هوجومچونون قاره‌نین ان نفوذلو کلوب تورنیرینده 178-جی اویونو اولوب. رونالدو بو گؤستریجیده یاریشین مطلق رکوردونا ایمضا آتیب. او، 177 موسابیقه‌یه چیخان ایکر کاسیلیاسی آرخادا قویوب.

90+5-جی دقیقه‌ده گل ووران رونالدو هم ده شامپیون‌لار لیگی‌نین ان یاخشی گل وورانیدیر. اونون حسابیندا آرتیق 136 گل وار. پورتوقالیا‌لی هم ده سون دقیقه‌لرین قهرمانی‌دیر. او، 90-جی و اوزاتما دقیقه‌لرینده 12-جی گل ونا ایمضا آتیب. بو دا تورنیرین مطلق رکوردودور. اونون ان یاخین ایزلییجی‌سی لیونل مسی جمعی 6 بئله گل ایله سئوینیب.

رونالدو شامپیون‌لار لیگینده 41-جی دفعه قلبه گتیرن گل ون مؤلفی اولوب. بو دا یئنی رکورددور. اونو ایزله‌ین لیونل مسی 38 موسابیقه‌نین تالعینی ووردوغو گل ایله دییشیب.