دوغو آذربایجان فوتبال هیاتیندن حامد لک حاقیندا شکایت مکتوبو

ایرانین پیروزی تیمی ایله تبریزین ماشین سازی تیمی آراسیندا تبریزده اوینانان اویوندا، قوناق تیمین قاپیچیسی طرفیندن بیر یئنی یئتمه‌یه قارشی یاشانان اخلاق و ادب دیشی سؤزلو سالدیری گؤندمده‌کی یئرینی قورویور.

پیروزی تیمینین قاپیچیسی حامد لک آدلی شخصین، تبریزده، تبریزه و بیر تبریزلییه قارشی ایدمان اخلاقینا یاراشمایان سؤزلرینه، تورک فوتبال سئورلردن سونرا، ماشین سازی کلوبو و دوغو آذربایجان فوتبال هیاتی ده تپکی گؤستردی.

هیات، فوتبال فدراسیونو رئیسینه بیر مکتوب یازاراق، قینادیغی بو قونو ایله باغلی شکایتی دیله گتیردی.

مکتوبدا، قاپیچی حامد لکین، توپ توپلایان بیر یئنی یئتمه‌یه قارشی دیله گتیردیگی رکیک سؤزلرده، "قهرمان تبریز"ین ده آدینی چکه‌رک، بؤلگه خالقینی راحاتسیز ائدیگینی و بو قونونون اینجه‌لنمه‌سی لازیم اولدوغو ایفاده ائدیلدی.

اؤلکه‌نین فوتبال فدراسیونوندان یاییملانان یازیلی آچیقلامادا ایسه، آدی گئچن شخصه، بو داروانیشلارینا قارشی ساوونماسینی سونماق اوچون ۴۸ ساعات سوره وئریلدیگی بیلدیریلدی.

بو آرادا، "ورزش سه" آدلی اینترنت سایتی، بو اولایدان سونرا "لک و مخالفلرینه یارتدیغی بهانه" باشلیقلی بیر خبر یاییملایاراق، حامد لکی ساوونمایا چالیشمیشدی.