یورو-2020: فرانسا پنالتیلر سری سینده اودوزوب
گونون ایکینجی – سونونجو موسابیقهسی بخارست-ده باش توتوب.
یورو-2020-نین 1/8 فینال مرحلهسینده داها بیر اویون کئچیریلیب.
گونون ایکینجی – سونونجو موسابیقهسی بخارست-ده باش توتوب.
"اؤلوم قروپو"نون بیرینجیسی اولان سون دونیا شامپیونو فرانسا آ قروپوندا اوچونجو یئری توتان سوئیسی سیناغا چکیب.
یورو-2016-نین فینالچیسی اولان "اوچ رنگلیلر" قارشیلاشمانین آشکار فاووریتی ساییلسا دا، ارکن گل ایله شوک یاشاییبلار. هر کسین فرانسیزلاردان گل گؤزلهدیگی بیر واختدا هریس سفروویچ حسابی آچیب. ایلک 45 دقیقهده بو اوستونلوگونو قورویان سوئیس-لیلر فاصیلهدن درحال سونرا پنالتی قازانیبلار. لاکین ریکاردو رودریگز قاپیچی ایله دولدن مغلوب آیریلیب.
فرانسیزلار 3 دقیقه عرضینده نینکی حسابی برابرلشدیریب، حتی اؤنه ده کئچیب. کریم بنزما اولجه امباپه نین، آز سونرا ایسه آنتوان گریزماننین محصولدار اؤتورمهسینی گل ایله تاماملاییب. بونونلا دا کیفایتلنمهین "اوچ رنگلیلر" پول پوگبانین اوزاق فاصلهدن مکمل گل ایله رقیبی داها بیر دفعه مرکزه دعوت ائدیب.
هریس سفروویچ سونا یاخین فرقی مینیموما ائندیرهرک، تیمینی یئنیدن اومیدلندیریب. بو آزمیش کیمی، سوئیس-لیلر 90-جی دقیقهده ایستاتوس-کوونو برپا ائدیبلر. بئلهلیکله، گونون ایکینجی دراماتیک موسابیقه سینده دا علاوه واختا احتیاج دویولوب. علاوه ائدیلمیش 30 دقیقهده ده برابرلیک دییشمهییب.
غالیبی معینلشدیرمک اوچون پنالتیلر سری سینه مراجعت اولونوب. بورادا داها دقیق اوینایان سوئیس یولونا داوام ائدیب. فرانسانی تورنیردن کنارلاشدیران ایسه سون پنالتی ضربهسینده قاپیچییا ینیلن کیلیان امباپه اولوب. بئلهلیکله، سوئیس-ین 1/4 فینالداکی رقیبی ایسپانیا اولاجاق.
قئید ائدک کی، بونادک دانیمارکا، ایتالیا، چک، بلژیک و ایسپانیا 1/4 فینالا یوکسلیب. 1/8 فینال مرحلهسینه صاباح یئکون وورولاجاق.
یورو-2020
1/8 فینال
28 ژوئن
فرانسا – سوئیس - 3:3، پنالتی. 5:4
ایلگیلیلی خبرلر
یورو-2024-ون فینالینا چیخان بوتون اؤلکهلر معلوم اولدو - قروپلار
2024-جو ایلین آوروپا شامپیوناتیندا ایشتیراک حقوقو قازانان بوتون اؤلکهلرین آدلاری معلوم اولوب.