" ان‌کولای ایستانبول" ماراتونوندا دونیا رکوردو یئنی‌لنیب

آوریلین 4-ده ایستانبول-دا "ان کولای ایستانبول" ماراتونو کئچیریلیب.

بو ایل 16-جی دفعه تشکیل اولونان ماراتون ایستانبول بؤیوکشهر بلدیه‌سی‌نین تشببوسو ایله پاندمی قایدا‌لاری چرچیوه‌سینده باش توتوب.

دونیانین ان یاخشی سککیز یاری ماراتوندان بیری حساب ائدیلن "ان-کولای ایستانبول"دا بو ایل دونیا رکوردو یئنی‌لنیب. بئله کی، 2 مین 500-دن چوخ ایشتیراکچی‌نین قاتیلدیغی ماراتوندا کیشی و قادین‌لار آراسیندا بیرینجی‌لیگی کنیا‌لی آتلت‌لر قازانیب. قادین‌لار آراسیندا کنیا‌لی آتلت روث چپینگتیچ 21 کیلومترلیک مسیری 1 ساعات 4 دقیقه 1 ثانیه‌ده تاماملایا‌راق دونیا رکوردونو تزه‌له‌ییب. کیشی‌لر آراسیندا ایسه کیبیووت کاندیه 57 دقیقه 32 ثانیه نتیجه ایله فخری کورسونون ان یوکسک پیلله‌سینه یوکسلیب.

ماراتون ایستانبولون آوروپا قاره‌سی‌نین "یئنی‌کاپی" بؤلگه‌سیندن باشلاییب. تاریخی یاریما‌دانی دولاشان ایدمانچی‌لار باشلانغیج نقطه‌سینه دؤنوب‌لر.