ملی گولشچیلر ۴ مدال قازاندی

ملی گولشچیلریمیز اوکراینادان ۴ مداللا قاییدیرلار.
۲۶ فوریه‌دن ۲۸ فوریه‌یه دک اوکراینانین مشهور گولشچیلرینین و مشق‌چیلرینین خاطره‌سینه گئچیریله‌ن یاریشمالار‌دا ایدمانچیلاریمیز بیری قیزیل، اوچو گوموش اولماقلا ۴ مدال قازاندی.

۷۹ کیلوگرامدا گولشن رمضان ساری، بلاروس و ایکی اوکراینالی رقیبینی مغلوب ائد‌رک فینال‌دا آوروپا شامپیونو گورجوستان‌لی ایدمانجی نیکا کنچادزه ایله گولشدی. رقیبینه مغلوب اولان رمضان گوموش مدال قازاندی. سربست گولشچیلریمیزدن سلیمان قارادنیز قیزیل، سون‌ار دمیرتاش و رمضان ساری گوموش مدال قازاندی. فرنگی گولشده ایسه کر‌م کمال گوموش مدالین صاحبی اولدو.
ملی گولشچیلر المپیک المه‌لری اؤنجه‌سینده ۴-۷ مارس تاریخلرین‌ده ایتالیادا گئچیریله‌جک تورنمنته قاتیلاجاق. گولشده توکیو المپیک اویونلاری آوروپا المه‌لری ۱۸-۲۱ مارس تاریخلرین‌ده ماجاریستانین بوداپست شهرین‌ده گئچیریله‌جک.