دونیا گولش سیرالاماسی گۆنجلله‌ندی
یئنی سیرالامادا سربست ایستیل‌ده ۴، قادینلاردا ۳ و فرنگیده ۲ تورک گولشچی سیراباشی اولدو
دونیا گولش بیرلیگینین (UWW) گۆنجلله‌نن سیرالاماسین‌دا میللی ایدمان‌چیلاردان رضا کایاآلپ و سلیمان آتلی ذیروه‌ده یئر آلدی.
تورکییه گولش فدراسیونون‌دان وئریله‌ن معلوماتا گؤره، قازاقیستاندا باشا چاتان دونیا شامپیوناسینین آردین‌دان UWW، اوچ ایستیل‌ده دونیا سیرالاماسینی گۆنجلله‌دی.
یئنی سیرالامادا سربست ایستیل‌ده ۴، قادینلاردا ۳ و فرنگیده ۲ میللی گولشچی سیراباشی اولدو.
۲۰۲۰.جی ایلده‌کی قاره شامپیونالارین‌دا (آوروپا شامپیوناسی) و سیرالاما یاریشلارین‌دا آلیناجاق پوئنلره گؤره، ژاپونون باشکندی توکیودا ائدیله‌جک ۲۰۲۰ یای المپیک اویونلارینا سیراباشی اولاراق قاتیلان گولشچیلر بللی اولاجاق.
گرکورومن/فرنگی ایستیل ۱۳۰ کیلوگرام‌دا رضا کایاآلپ و سربست ایستیل ۵۷ کیلوگرام‌دا سلیمان آتلی‌نین ذیروه‌ده یئر آلدیغی لیستده، سربست ایستیل ۱۲۵ کیلوگرام‌دا طاها آغ‌گول ایله قادینلار ۵۰ کیلوگرام‌دا ائوین دمیرخان ایکینجی یئری الده ائتدی. سربست ایستیل ۸۶ کیلوگرام‌دا فاتح اردین، گرکورومن ایستیل ۸۲ کیلوگرام‌دا امراه قوش و قادینلار ۵۵ کیلوگرام‌دا ایسه بدیهه گون اوچونجو سیرادا یئر آلدی.
میللی گولش‌چیلرین دونیا سیرالاری بئله:
سربست ایستیل:
۵۷ کیلو سلیمان آتلی ۱.جی
۶۵ کیلو صلاح‌الدین قیلیچ‌ساللایان ۴.جو
۷۴ کیلو یعقوب گؤر ۶.جی
۷۹ کیلو نوری کوتان‌اوغلو ۶.جی
۸۶ کیلو فاتح اردین ۳.جو
۹۷ کیلو باقی شاهین ۱۰.جو
۱۲۵ کیلو طاها آغ‌گول ۲.جی
گرکورومن:
۶۰ کیلو کر‌م کامال ۷.جی
۶۷ کیلو آتاقان یوکسل ۷.جی
۷۲ کیلو چینگیز آرسلان ۷.جی
۸۲ کیلو امراه قوش ۳.جو
۹۷ کیلو فاتح باش‌کؤی ۷.جی
۱۳۰ کیلو رضا کایاآلپ ۱.جی
قادینلار:
۵۰ کیلو ائوین دمیرخان ۲.جی
۵۵ کیلو بدیهه گون ۳.جو
۷۲ کیلو بوسه توسون ۴.حو
۷۶ کیلو یاسمین آدار ۶.جی
