"فنرباخچا"دا جدی ایتکی - 1 آی اوینامایا‌جاق

سوپرلیگین 25-جی تورونون "باشاکشهر"له سفر اویونوندا (1:2) زده‌لنن "فنرباخچا"نین یاریم مودافیچی‌سی ماتیو والبونانین دورومونا آیدین‌لیق گلیب.

سؤزوگئدن قارشیلاشمادا آیاغیندان خسارت آلان فرانسیز فوتبولچونون تخمینا 1 آی یاشیل میدان‌لاردان کناردا قالاجاغی گؤزلنیلیر. دیگر زده‌لی نابیل دیرارین ایسه هله ده آغری‌لاری‌نین اولدوغو و بو سبب‌دن 26-جی توردا "سیواس سپور"ا  قارشی اوینامایاجاغی بیلدیریلیب. عوضینده ایسه زده‌سینی یئنیجه ساغالدان مهمت توپال سیرایا قاییدیب.

قئید ائدک کی، "فنرباخچا" - "سیواس سپور" اویونو مارس آیی نین 15-ده کئچیریله‌جک.