آورپا لیگینده 1/8 فینال باشلاییر
بو گون آوروپا لیگینده 1/8 فینال هیجانی باشالایاجاق.
بو گون آوروپا لیگینده 1/8 فینال هیجانی باشالایاجاق. مرحلهنین ایلک اویونلاری چرچیوهسینده 8 گؤروش باش توتاجاق کی، اونلاردان 3-و داها تز ایستارت گؤتورهجک.
تورکیه شامپیونو "بشیکتاش" یونانیستاندا "المپیاکوس"ون قوناغی اولاجاق. "قارا قارتال" کئچن مرحلهده "هاپوئل" تیمینی موباریزهدن کنارلاشدیردی. "اولمپیاکوس" ایسه تورکیهنین دیگر کلوبو "عثمانلی سپور"دان گوجلو اولدو. بو معنادا، هموطنلرینین انتقامینی آلماق اوچون "بشیکتاش"ین الینه یاخشی ایمکان دوشوب.
آوروپا لیگینین غالیبی اولماغا اساس نامیزدلردن ساییلان "منچستر یونایتد" سفرده "روستوف"لا قارشیلاشاجاق. قروپ مرحلهسینده ایکینجی یئری توتدوقدان سونرا 1/16 فینالدا "سنت اتین"ی موباریزهدن کنارلاشدیرمیش "مانکونیانلار" بو دفعه ده فاووری ساییلیرلار. لاکین "روستوف"او دا حسابدان سیلمک اولماز. شامپیونلار لیگینده موباریزنی دایاندیردیقدان سونرا آوروپا لیگینه قاتیلما حقوقو قازانان روسیا تمثیلچیسی کئچن مرحلهده "ایسپارتا"یا گوجونو گؤسترمیشدی.
بو مرحلهنین ماراقلی اویونلاری سیراسیندا "لیون" – "رم" موسابیقهسی ده وار. شامپیونلار لیگینده قروپ اوچونجوسو اولدوقدان سونرا موباریزنی آوروپا لیگینده داوام ائتدیرن "لیون" اؤتن مرحلهنین هر ایکی اویونوندا "آلکمار"ی بؤیوک حسابلا اوستهلهییب. "رم" ایسه 12 امتیازلاE قروپونون بیرینجیسی کیمی نؤوبتی مرحلهیه آدلامیشدی. "جاناوارلار" 1/16 فینالدا "ویارئال" ی موباریزهدن کنارلاشدیراراق، ادعاسینی اورتایا قویموشدو. بیر سؤزله، تماشاچیلاری ماراقلی و گرگین موباریزه ود ائدن اویون گؤزلییر.
بو مرحلهده فوتبولسئورلر آلمانیا و بلژیک دوئللرینین ده شاهیدی اولاجاقلار. "شالکه" "مانشین گلادباخ"ی قبول ائدجگی حالدا، ""گنت"" بلژیک-ین دیگر تمثیلچیسی "خنک"له موناسیبتلرینه آیدینلیق گتیرهجک.
آوروپا لیگی
1/8 فینال مرحلهسینین ایلک اویونلاری
9 مارت
"آپوئل" (قیبریس) – "آندرلخت" (بلژیک)
"کوپنهاگن" (دانمارک) – " آژاکس" (هلند)
"روستوف" (روسیا) – "منچستر یونایتد"(اینگیلتره)
"سلتاویگو" (ایسپانیا) – "کراسنودار" (روسیا)
"گنت” (بلژیک) – "خنک" (بلژیک)
"لیون" (فرانسا) – "رم" (ایتالیا)
"المپیاکوس" (یونانیستان) – "بشیکتاش" (تورکیه)
"شالکه" (آلمانیا) – "مانشین گلادباخ" (آلمانیا)