سوما کاپی بشیکتاش‌ین

بشیکتاش، فنرباغچانی و چلسی‌نی ۱-۰ سونوجویلا مغلوب ائتدی.
فنرباغچا، بشیکتاش و اینگیلتره پرمیر لیگ تاخیملاریندان‌ چلسی، سوماداکی معدن فاجعه‌سینده حیاتینی ایتیرن معدنچی‌لرین عائله‌لرینه کؤمک آماجی ایله ایستانبولدا تشکیل ائدیلن اوچلو تورنووادا قارشیلاشدی.
٤٥ دقیقه اوزرین‌دن اوینانان اویون‌لاردا ایلک اولا‌راق فنرباغچا ایله بشیکتاش قارشی قارشییا گلدی. قارشیلاشمانی بشیکتاش، ۱۱.جی دقیقه‌ده ایسماعیل کؤی‌باشی‌نین آتدیغی گللا ۱-۰ قازاندی.
ایکینجی ٤٥ دقیقه‌ده ایسه فنرباغچانین قارشی‌سیندا بو دفعه موورینونون تاخیمی چلسی واردی. چلسی‌ده یئنی ترانسفر دیگو کوستا اویونون ۲٤.جو دقیقه‌سینده فنرباغچا ساوونماسینداکی بوشلوق‌دان یاخشی فایدا‌لانا‌راق تاخیمینی ۱-۰ اؤنه گئچیردی.‌ ۷ ‌دقیقه سونرا ایسه سونوجو بللی ائدن قول ایوانوویج‌دن گلدی و اویونو چلسی ۲-۰ قازاندی.
فینال اویونو ایسه بشیکتاش ایله چلسی آراسیندا اویناندی. اؤزللیکله دئمبا با ایله ائتکیلی اولان بشیکتاش، اویونون سون بؤلومونده ارسان گولومون گلویلا اینگیلیس تاخیمینی ۱-۰ مغلوب ائده‌رک تورنووانین قالیبی اولدو.