هاکان فیدانین عربیستان تماس لاری داوام ائدیر
هاکان فیدان ریاض-دا سعودی عربیستانینین خاریجی ایشلر ناظیری فیصل بن فرحان و قطرین باش ناظیری و خاریجی ایشلر ناظیری شیخ محمد بن عبدالرحمن آل ثانی ایله گؤروشوب.
تورکیهنین خاریجی ایشلر ناظیری هاکان فیدان بیلدیریب کی، تورکیه فیلیسطین خالقینین یانیندا اولماغا و غزه-دهکی قتل عامین سببکارلارینین محکمه قارشیسینا چیخاریلماسی اوچون چالیشماغا داوام ائدهجک.
هاکان فیدان بو بارهده رسمی اینترنت صحیفهسینده ائتدیگی پایلاشیمدا بیلدیریب.
"اولوسلار آراسی حقوقو و بوتون بشری دگرلری تاپدالاماغا داوام ائدن ایسراییل رسمیلری آرتیق دونیا توپلومو طرفیندن قینانیبلار. قتل عام تؤرهدنلرین قانون قارشیسیندا جاواب وئرجگی گونو صبیرسیزلیکله گؤزلییریک"،-هاکان فیدان پایلاشیمیندا وورغولاییب.
خاریجی ایشلر ناظیری هاکان فیدان سعودی عربیستانینین پایتاختی ریاض-دا سعودی عربیستانینین خاریجی ایشلر ناظیری فیصل بن فرحان و قطرین باش ناظیری و خاریجی ایشلر ناظیری شیخ محمد بن عبدالرحمن آل ثانی ایله گؤروشوب.
ناظیرلیگین ایکس سوسیال مئدیا حسابیندا یئر آلان یازییا گؤره، ناظیر فیدان قطرلی همکاری آل ثانی، داها سونرا ایسه سعودی عربیستانیندان اولان همکاری فیصل بن فرحان ایله گؤروشوب.