تۆرکیه، آمریکادا یاییملانان راپورا تپکی وئردی
"آمریکانین اینسان حاقلاری قونوسوندا اؤز سیجیلینه متمرکز اولماسی و ترور هؤرگوتلری ایله قوردوغو اورتاقلیقلار ایله اینسان حاقلاری قونوسوندا ایزله‌دیگی ایکیلی استاندارد‌لی سیاستی سونلاندیرماسی چاغریمیزی تکرارلاییریق"
تۆرکیه، مشروع مدافعه حاقی تملینده یئریتدیگی ترورلا موباریزه عملیاتلارینین، "تامامیله تروریست عنصورلار ایله بونلارین ترور فعالیتلرینده ایستیفاده ائتدیکلری قابیلیتلره دایر" اولدوغونو بیلدیردی.
خاریجی ایشلر باخانلیغی، آمریکا بیرلشمیش دؤولتلری خاریجی ایشلر باخانلیغی طرفیندن یاییملانان ۲۰۲۳ اینسان حاقلاری راپوروندا، گئچمیش ایللرده اولدوغو کیمی، تۆرکیه‌یه قارشی اساسسیز ادعالارا، گئرچک اولمایان بیلگیلره و اؤن یارغیلی آچیقلامالارا یئر وئریلدیگینی قید ائتدی.
بو ایل ده "قایناغی بیلینمه‌ین ادعالار ایله ترور هؤرگوتلری ایله التصاقلی چئوره‌لرین ایفاده‌لری تملینده حاضیرلانمیش اولان" بو راپورا اعتبار ائدیلمه‌دیگی وورغولانان آچیقلامادا، "اؤلکه‌میز، دموکراسی، اینسان حاقلاری و حقوقون اوستونلوگو ایلکه‌لرینه باغلیلیغینی، قارشی قارشییا اولدوغو چوخ طرفلی و آغیر ترور تهدیدلرینه باخمایاراق عزمله داوام ائتدیرمکده‌دیر" ایفاده‌لرینه یئر وئریلدی.
آچیقلامادا، تۆرکیه‌نین مشروع مدافعه حاقی تملینده ایجرا ائتدیگی ترورلا موباریزه عملیاتلارینین، "تامامیله تروریست عنصورلار ایله بونلارین ترور فعالیتلرینده ایستیفاده ائتدیکلری قابیلیتلره دایر" اولدوغونا دقت چکیلرکه‌ن، "آمریکانین، ترورون هر نؤوعونه قارشی داوام ائتدیردیگی حاقلی و مشروع موباریزه‌نین چرچیوه‌سینی یاخشی بیله‌ن بیر متفیق اولاراق گئرچکلری تحریف ائد‌ن اساسسیز ادعالاردا اصرارینی آنلاماق ممکن دئییل" دئییلدی.
آچیقلامادا، "آمریکانین اینسان حاقلاری قونوسوندا اؤز سیجیلینه متمرکز اولماسی و ترور هؤرگوتلری ایله قوردوغو اورتاقلیقلار ایله اینسان حاقلاری قونوسوندا ایزله‌دیگی ایکیلی استاندارد‌لی سیاستی سونلاندیرماسی چاغریمیزی تکرارلاییریق" ایفاده‌لرینه یئر وئریلدی.
ایلگیلی‌لی خبرلر
8-جی تورکیه-آلمانیا اقتصادیات گونو کئچیریله‌جک
می‌ین 4-ده آلمانیانین دوسلدورف شهرینده 8-جی تورکیه-آلمانیا اقتصادیات گونو کئچیریله‌جک.
