تورکیه و اندونزیا پرزیدنتلری آراسیندا تلفون دانیشیغی اولوب
تلفون دانیشیغی زامانی تورکیه ایله اندونزیا آراسیندا ایکی طرفلی علاقهلر و قلوبال حادثهلر موذاکیره ائدیلیب.
تورکیه پرزیدنتی رجب طیب اردوغان اندونزیا پرزیدنتی پرابوو سوبیانتو ایله تلفون علاقهسی ساخلاییب. تلفون دانیشیغی زامانی تورکیه ایله اندونزیا آراسیندا ایکی طرفلی علاقهلر و قلوبال مسئلهلر موذاکیره ائدیلیب. پرابوو سوبیانتونو سئچکیده الده ائتدیگی غلبه موناسیبتیله تبریک ائدن جمهور باشقانی رجب طیب اردوغان تورکیه ایله اندونزیا آراسینداکی کؤکلو علاقهلرین یئنی دؤورده داها دا اینکیشاف ائدجگینه اومید ائتدیگینی بیلدیریب. جمهور باشقانی رجب طیب اردوغان فیلیسطین مسئلهسی و ایسلام دونیاسی ایله باغلی بوتون مسئلهلرده اندونزیا ایله گوجلرینی بیرلشدیرمهیه داوام ائتمیین واجیب اولدوغونو، همچنین تورکیه-اندونزیا یوکسک سویهلی ایستراتژی امکداشلیق شوراسینین ایلک ایجلاسینین ان اویغون واختدا کئچیریلمهسینین اهمیتینی قئید ائدیب. تورکیه پرزیدنتی صحبت زامانی همچنین اندونزیالی همکارینی رمضان بایرامی موناسیبتیله تبریک ائدیب.