هاکان فیدان: ناتو 2025 خاریجی ایشلر ناظیرلرینین توپلانتیسی تورکیهده کئچیریلهجک
خاریجی ایشلر ناظیری: ناتویا عضو اؤلکهلرین ترورلا موباریزهده تورکیهنی تام و قئید-شرطسیز دستکلمهسی، ترورلا موباریزهده تورکیهنین یانیندا اولماسی لازیمدیر
خاریجی ایشلر ناظیری هاکان فیدان ناتو اؤلکهلرینین خاریجی ایشلر ناظیرلرینین غیری-رسمی توپلانتیسینین 2025-جی ایلده تورکیهده کئچیریلمهسینه قرار وئریلدیگینی بیلدیریب.
هاکان فیدان برژیکین پایتاختی بروکسلده کئچیریلن ناتو خاریجی ایشلر ناظیرلری توپلانتیسیندان سونرا مطبوعات منسوبلارینا گوندمله باغلی قییمتلندیرمهلر ائدیب.
ناظیر فیدان ناتو خاریجی ایشلر ناظیرلرینین 2025-جی ایلده کئچیریلهجک غیری-رسمی توپلانتیسینین تورکیهده کئچیریلمهسینی تکلیف ائتدیگینی بیلدیریب،
"بو قرار قبول ائدیلیب. 2025-جی ایلده ناتو خاریجی ایشلر ناظیرلرینین غیری-رسمی توپلانتیسی تورکیهده کئچیریلهجک." دئدی.
خاریجی ایشلر ناظیرلرینین توپلانتیسیندا تورکیهنین تهلوکهسیزلیگی ایله باغلی موتفیقلردن گؤزلنتیلرینی ایفاده ائتدیگینی بیلدیرن فیدان، "ناتویا عضو اؤلکهلرین ترورلا موباریزهده تورکیهنی تام و قئید-شرطسیز دستکلمهسی، ترورلا موباریزهده تورکیهنین یانیندا اولماسی، خوصوصیله سوریهده اولدوغو کیمی بعضی ناتو عضوو اؤلکهلرین ”موقتی“ ماسک آلتیندا دا اولسا، ترور تشکیلاتی ایله امکداشلیق ائتمهمهسی لازیم اولدوغونو وورغولادیق. بونون اتفاقین روحونا ضد اولدوغونو سؤیلهدیک.“ دئدی.
توپلانتیلاردا و ایکیطرفلی گؤروشلرده بؤلوجو ترور تشکیلاتی پ.ک.کنین اوروپاداکی حرکتلری ایله باغلی وضعیتی ده گوندمه گتیردیگینی بیلدیرن فیدان: "اوروپادا یاشایان سویداشلاریمیزا و وطنداشلاریمیزا قارشی زوراکیلیق عمللرینه قارشی ساده پیسلنمهسی دئییل، حتی چوخ جدی تدبیرلرین گؤرولمهسینین واجیبلیگینی اونلارا چاتدیردیق“ دئدی.
ناظیر فیدان گؤروش چرچوهسینده کئچیردیگی ایکیطرفلی گؤروشلر زامانی همکارلاری ایله قزهدهکی وضعیتله باغلی دا فیکیر مبادلهسی آپاردیغینی بیلدیریب.
فیدان "بیز بوتون مخاطبلریمیز ایله قزه ایله باغلی ناراحاتلیغیمیزی و مسئلهنین آرتیق حل ائدیله بیلمیهجیی بیر نقطهیه چاتدیغینی وورغولادیق." دئدی و داوام ائتدی: "بیز دفعهلرله آتیشکس، تعجیلی اینسانی یاردیم و ایکی دؤولتلی حل پرسپکتیوینی گوندمه گتیرمیشیک. یاخشی هال اودور کی، ایندی بوتون مخاطبلریمیز دئمک اولار کی، بیزیمله همفیکیردیرلر. پروسه ایچینده اولوسلارآراسی ایجتیماعیاتین بو آنلاشمایا چاتماسی دیپلوماتیک قازانجلار باخیمیندان اؤنملیدیر، لاکین میداندا نیی ایسه دییشدیرمک باخیمیندان داها چوخ ایش گؤرولملیدیر. بو مسئلهده قطعیتیمیز داوام ائدیر."
آمریکالی همکاری آنتونی بلینکن ایله کئچیردیکلری ایکیطرفلی گؤروشده بیر چوخ مسئلهلره توخوندوقلارینی بیلدیرن فیدان، بونلار آراسیندا جمهورباشقانی رجب طیب اردوغانین آمریکا پرزیدنتی جو بایدنین دعوتی ایله آمریکایا سفرینین تاریخینین اولدوغونو قید ائدیب.
فیدان دئدی: اف-16 مسئلهسی حل اولوندو. دیگر ساحهلرین ده ایرلیلدیلمهسی گوندمده اولاجاق. پرزیدنتیمیزین باخیشی اوندان عبارتدیر کی تورکیه-آمریکا مناسبتلری تکجه تهلوکهسیزلیک یؤنوملو دئییل، همده اقتصادیات، تکنولوژی، تیجارت و دیگر ساحهلری احاطه ائدن داها بالانسلی و داها گئنیش علاقهلر کومپلکسیدیر. پرزیدنتیمیز بو مسئله ایله باغلی لازیمی فیکیرلریمیزی بیلدیرجک."
ایلگیلیلی خبرلر
هاکان فیدان بیرلشمیش عرب امیرلیکلرینه سفر ائدهجک
خاریجی ایشلر ناظری هاکان فیدان بیرلشمیش عرب امیرلیکلرینه رسمی سفر ائدهجک.