تۆرکیه، ایران ائلچیلیگینی هدف آلان سالدیرینی قینادی
"ایلگیلی بوتون طرفلری، ساغ‌دویولو و اعتیداللی حرکت ائتمه‌یه و اولوسلارآراسی حقوقا رعایت ائتمه‌یه دعوت ائدیریک"
تۆرکیه، ایسرائیلین، سوریه‌نین باشکندی دمشقده‌کی ایران ائلچیلیگینی هدف آلان سالدیریسینی قینادی.
خاریجی ایشلر باخانلیغی، سالدیرییا باغلی آچیقلاما یاییملادی.
آچیقلامادا، ایسرائیلین، سون دؤنمده تؤره‌تدیگی اولوسلارآراسی حقوق پوزونتولارینا بیر یئنیسینی علاوه ائتدیگی ایفاده ائدیلدی.
"ایسرائیلین، دمشقده‌کی ایران ائلچیلیگینی هدف آلان سالدیریسینی قیناییریق" ایفاده‌سی ایشله‌دیله‌ن آچیقلامادا، سؤزو گئدن سالدیرینین بوتون بؤلگه‌یه تأثیر ائد‌جک بیر چاتیشمایا چئوریلمه‌سیندن قایغی دویولدوغو وورغولاناراق،
"ایلگیلی بوتون طرفلری، ساغ‌دویولو و اعتیداللی حرکت ائتمه‌یه و اولوسلارآراسی حقوقا رعایت ائتمه‌یه دعوت ائدیریک".
ایرانین دمشقده‌کی ائلچیلیک یئرلشکه‌سینده یئر آلان کونسوللوق بیناسینا اؤنجه‌کی گون تشکیل ائدیله‌ن هاوا سالدیریسیندا ایران اینقیلاب گؤزتچیلری سپاه اوردوسوندان ۲سی ژنرال روتبه‌سینده، ۷ نفر حیاتینی ایتیرمیشدی. سالدیریدا ۶ سوریه‌لینین ده اؤلنلر آراسیندا اولدوغو و توپلام اؤلو ساییسینین ۱۳ اولدوغو آچیقلانمیشدی.
ایران، سالدیرینی ایسرائیلین تشکیل ائتدیگینی آچیقلارکه‌ن تل آویو رهبرلیگی سسسیز قالماغا داوام ائتمیشدی.
سالدیرییا قارشیلیق وئریله‌جگینی بیلدیرن ایران، آمریکانی دا مسئول توتدوقلارینی بیلدیرمیشدی.
ایلگیلی‌لی خبرلر
اردوغاندان آوروپا گونو مئساژی
"آوروپا بیرلیگینین ایلیشکیلریمیزی چیخمازا آپاران سیاست و ایفاده‌لردن قاچینماسی حیاتی اؤنمه صاحبدیر"
