اردوغان بورسا میتینگینده دانیشدی
"سوریهده، لیبیده، آغدنیزده، قارادنیزده، قاراباغدا، هانسی آددیمی آتدیقسا قارشیمیزدا بؤیوک بیر کۆرهسل اتفاق گؤردوک"
جمهورباشقانی رجب طیب اردوغان، غزهده آخان مسلمان قانی قارشیسیندا کور، کار اولانلارین، یارین تورکیهنین باشینا بنزر بیر فاجعه گلسه عینیسینی ائدجکلرینی سؤیلهدی.
عدالت و قالخینما پارتیسینین باشقانی ده اولان جمهورباشقانی اردوغان، پارتیسینین بورسا میتینگیندهکی دانیشماسیندا، ایسرائیلین ۷ اکتبردان بو یانا غزهیه تشکیل ائتدیگی سالدیریلارا توخوندو.
غزهده آخان مسلمان قانی قارشیسیندا کور، کار اولانلارین، یارین تورکیهنین باشینا بنزر بیر فاجعه گلسه عینیسینی ائدجکلرینی ایفاده ائدن اردوغان،
"اصلینده بیز بونو یاشادیق. روسیایلا آرامیزین دگدیگی، ترور هؤرگوتلرینین سرحدلریمیزه دایاندیغی بیر دؤنمده باتیلی اؤلکهلر، گونئی شهرلریمیزدهکی هاوا ساوونما سیستملرینی گؤتوروب آپارمیشدیلار. او دؤنمدهکی چتینلیکلرین عهدهسیندن گلمهیی اؤز گوجوموزله، ایمکانیمیزلا، موباریزهمیزله باجاردیق. سوریهده، لیبیده، آغدنیزده، قارادنیزده، قاراباغدا، هانسی آددیمی آتدیقسا قارشیمیزدا بؤیوک بیر کۆرهسل اتفاق گؤردوک" دئیه دانیشدی.
اردوغان، بعضی اؤلکهلرین گووهن و ثابتلیک ایقلیمینی پوزماق اوچون ایللردیر تورکیهده تأثیر ائدهبیلدیکلری هر کسیمی تحریک ائتمهیه، حرکتلهندیرمهیه چالیشدیقلارینی سؤیلهدی.
جمهورباشقانی،
"بو تورپاقلاری وطن ائتمک اوچون وئردیگیمیز چابا، وطنیمیزی الده توتماق اوچون ده داوام ائتدیرمک مجبوریتیندهییک. عکس حالدا عینییله بیر عصر اؤنجه ائتمهیه چالیشدیقلاری کیمی بیزی بو تورپاقلاردان اولگوجله قوپاردیب آتماقدا ترددود ائتمهیهجکلری آچیقدیر" ایفادهلرینی ایشلتدی.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.