هاکان فیدان پ.کا.کا ترورچولارینین آوروپا‌داکی تخریباتی ایله باغلی بیانات وئردی

خاریجی ایشلر ناظیری هاکان فیدان تورکیه-نین حیاتا کئچیردیگی عملیات‌لار نتیجه‌سینده کونجه سیخیش‌دیریلان بولوجو ترور تشکیلاتی پ.کا.کا-نین اونلارا دؤزوملولوک گؤسترن آوروپا اؤلکه‌لرینده ترور فعالیت‌لری ایله مشغول اولدوغونو بیلدیریب.

ایستانبولدا کئچیریلن تدبیرده چیخیش ائدن هاکان فیدان خاطیرلادیب کی، سون گون‌لر بلژیک-ین ایکی فرق‌لی شهرینده پ.کا.کا طرفدارلاری تورکیه وطنداش‌لارینا هوجوم ائدیب‌لر.

"اونلار او قدر آزغینلاشیب‌لار کی، آلمانیانین هانوور شهرینده‌کی باش کونسوللوغوموزا بالتا ایله هوجوم ائدیب‌لر" دئین هاکان فیدان فرانسادا دا اوخشار تخریبات جهدلری‌نین اولدوغونو دئییب.

"بیز اونلارا ضربه ائندیردیکجه پ.کا.کا ترورچولاری بیر او قدر کونجه سیخیشیر. کونجه سیخیشدیقجا، ایللردیر اونلارا دؤزوملولوک گؤسترن اؤلکه‌لری ترورا معروض قویور. دؤولتیمیز هر شرایطده اؤز وطنداش‌لارینی قورویور. مسئله بو قدر ساده دیر، هاکان فیدان قئید ائدیب.