تیکا قدس، بوسنیا و هرزگوینا و مولداوی-ده ارزاق باغلامالاری پایلاییب
تورک امکداشلیق و کووردیناسیون آژانسی (تیکا) رمضان پروقراملاری چرچیوهسینده قدس، بوسنیا و هرزگوینا و مولداوی-ده ارزاق باغلامالاری پایلاییب.
تورک امکداشلیق و کووردیناسیون آژانسی (تیکا) رمضان پروقراملاری چرچیوهسینده قدس، بوسنیا و هرزگوینا و مولداوی-ده ارزاق باغلامالاری پایلاییب.
تیکا-نین وئردیگی یازیلی آچیقلامادا قورومون رمضان پروقراملاری چرچیوهسینده گؤردوگو ایشلر بارهده معلومات وئریلیب.
آچیقلامایا گؤره، تیکا بوسنیا و هرزگوینانین تربینجه شهرینده بوتون ائتنیک قروپلارین ایشتیراکی ایله قیدا پاکتلری پایلاییب و إفطار پروقرامی تشکیل ائدیب.
تیکا و فیلیسطین سوسیال اینکیشاف ناظیرلیگی قدس ویلایت مودیرلیگی ایله امکداشلیق چرچیوهسینده قدس و اطرافیندا یاشایان احتیاجی اولان 500 فیلیسطینلی عائلهیه رمضان آیی موناسیبتی ایله ایلکین احتیاجلاردان عبارت ارزاق باغلامالاری پایلانیب.
بیدو و ابودیس بؤلگهلریندهکی مرکزلرده یاغ، رب، دوگو، شکر، اون، لوبیا، مرجیمک، اریشته و مربا کیمی غذا محصولاریندان عبارت تخمینن 10 تون ارزاق پاکتی پایلانیب.
تیکا همچنین تخمینن 40 مین اهالیسی اولان و یاری کؤچری حیات طرزی سورن بدوی ایجماسینا منسوب احتیاجی اولان 250 عائلهیه 5 تون ارزاق پاکتی دستکی وئریب.
مولداوی-نین پایتاختی کیشیناو-دا تیکا طرفیندن حاضیرلانان قیدا پاکتی پایلانماسی اؤلکه داخیلینده جمعی 4 مین عائلهیه چاتدیریلاجاق.
رمضان آیی عرضینده خصوصیله مولدوی-نین گونئیینده یئرلشن گاگاوز موختار بؤلگهسی و مولداوی-نین ایکینجی بؤیوک شهری بئلتس بؤلگهسینده احتیاجی اولان داها 2500 عائلهیه ارزاق باغلامالاری پایلاناجاق.