یاشار گۆلر: ایل باشیندان بو یانا ۶۰۸ تروریست ضررسیزلشدیریلدی
"قهرمان اوردوموز، اؤلکه‌میزین و اصیل میللتیمیزین حاقینا، حقوقونا سالدیران بو جانی سۆروسونه قارشی بؤیوک بیر عزم و چابایلا ترورلا موباریزه‌سینه داوام ائدیر"
میللی ساوونما باخانی یاشار گۆلر، ترورلا موباریزه‌ده قرارلیلیغا وورغو ائد‌رک، ایل باشیندان بو یانا ۶۰۸ تروریستین ضررسیز حالا گتیریلدیگینی بیلدیردی.
قهرمان‌ماراشدا شهید عائله‌لری، غازی و عایله‌لری ایله افطاردا بیر آرایا گلن گۆلر، قهرمان تۆرک اوردوسونون، حدودلارین گۆونلیگینین تامین ائدیلمه‌سیندن ترورلا موباریزه‌یه، ماوی و گؤی وطنده‌کی حاق و چیخارلارین قورونماسیندان اولوسلارآراسی باریش و ثابیتلیگین دستکلنیلمه‌سینه، گئنیش مانورلارین ایجراسیندان یئرلی و میللی ساوونما صنایعنین گلیشدیریلمه‌سینه قدر بیر چوخ فعالیتی عینی زاماندا بؤیوک بیر باشارییلا یئرینه یئتیردیگینی سؤیله‌دی.
آلچاق تروریستلره بؤیوک بدللر اؤدتدیریلدیگینی ایفاده ائد‌ن گۆلر،
"قهرمان اوردوموز، اؤلکه‌میزین و اصیل میللتیمیزین حاقینا، حقوقونا سالدیران بو جانی سۆروسونه قارشی بؤیوک بیر عزم و چابایلا ترورلا موباریزه‌سینه داوام ائدیر. بو چرچیوه‌ه‌ده یورد ایچی و سرحد اؤته‌سینده ایجرا ائتدیگیمیز باشاریلی عملیاتلارلا ترور هؤرگوتونون بئلینی قیردیق" دئدی.
سون چیرپینیشلاریندا اولا‌ن تروریستلرین باشینین ترددسوز بیر شکیلده ازیلدیگینی و ازیلمه‌یه داوام ائدجگینی وورغولایان یاشار گۆلر، بو چرچیوه‌ده ایل باشیندان اعتباراً ۶۰۸، ۲۴ جولای ۲۰۱۵دن بو یانا ۴۰ مین ۱۷۷ تروریستین ضررسیز حالا گتیریلدیگینی بیلدیردی.
