اردوغان: تورکیه اقتصادینی ۳ قات بؤیوتدوک
"بوتون میللتیمیزین، نووروز سئوینجینی یاشایان جغرافیامیزداکی بوتون قارداشلاریمیزین نووروز بایرامینی تبریک ائدیره‌م"
جمهورباشقانی رجب طیب اردوغان، اقتصادینی ۲۱ ایلده ۳ قات بؤیوتدوکلری تورکیه‌نی، ۲ قات داها بؤیوده‌رک دونیانین ان گوجلو اکونومیلری آراسیندا لاییق اولدوغو یئره چیخارماغی آماجلادیقلارینی سؤیله‌دی.
عدالت و اقالخینما پارتیسینین باشقانی دا اولان جمهورباشقانی اردوغان، پارتیسینین کایسئری میتینگینده خالقا خیطاب ائتدی.
دانیشماسینا باشلارکه‌ن خالقین یئنی گۆن بایرامینی قوتلایا‌ن اردوغان،
"بوتون میللتیمیزین، نووروز سئوینجینی یاشایان جغرافیامیزداکی بوتون قارداشلاریمیزین نووروز بایرامینی تبریک ائدیره‌م. اورتا آسیادان بالکانلارا چوخ گئنیش بیر بؤلگه‌ده یئنی اومودلارلا قوتلانان نووروزون خیرلره وسیله اولماسینی دیله‌ییرم" دئدی.
اقتصادا توخونان اردوغان،
"تورکیه‌نی ۲۱ ایلده ۳ قات بؤیوتمه‌یی باجاردیق. ایندی آماجیمیز اؤنوموزده‌کی دؤونمده اؤلکه‌میزی ۲ قات داها بؤیوده‌رک دونیانین ان گوجلو اقتصادلاری آراسیندا لایق اولدوغو یئره چیخارماقدیر" دئیه دانیشدی.
