فیدان: آوروپا بیرلیگی عضولوگو تورکیه اوچون استراتژیک بیر هدفدیر
حاکان فیدان، آنکارایا گلن ایسپانیا خاریجی ایشلر باخانی خوزه مانوئل آلبارس ایله گؤروشمهسینین آردیندان تشکیل ائدیلهن اورتاق مطبوعات توپلانتیسیندا دانیشدی
خاریجی ایشلر باخانی حاکان فیدان، آوروپا بیرلیگی عضولوگونون تورکیه اوچون استراتژیک بیر هدف اولماغا داوام ائتدیگینی ایفاده ائتدی.
حاکان فیدان، رسمی گؤروشمهلر اوچون باشکند آنکارایا گلن اسپانیا خاریجی ایشلر باخانی خوزه مانوئل آلبارس ایله خاریجی ایشلر باخانلیغینداکی گؤروشمهسینین آردیندان تشکیل ائدیلهن اورتاق مطبوعات توپلانتیسیندا دانیشدی.
اسپانیانین باشیندان اعتباراً تورکیهنین آوروپا بیرلیگی عضولوک سۆرهجینه صمیمی شکیلده دستک اولان اؤلکهلر آراسیندا یئر آلدیغینی، آوروپا بیرلیگی عضولوگونون تورکیه اوچون استراتژیک بیر هدف اولماغا داوام ائتدیگینی قونومداشینا بیر دفعه داها ایفاده ائتدیگینی بیلدیرن فیدان، بونلاری قید ائتدی:
"تورکیهنین آوروپا بیرلیگی عضولوک سۆرهجینین بعضی اؤلکهلرین قیسیر سیاسی گۆندهملرینه بوراخیلامایاجاق قدر اؤنملی اولدوغونو تکرارلادیم. آوروپا بیرلیگی ایچریسینده غزه قونوسوندا ایلک گوندن اعتباراً ایلکهلی بیر توتوم ایزلهیهن و فیلیسطین خالقینین یانیندا اولان اؤلکهلردن بیریدیر اسپانیا. اسپانیانین تقدیره لایق بو توتومو فیلیسطین مسئلهسینین دینی و ائتنیک کیملیکلرینین اوستونده ائورنسل/اونیوئرسال بیر دعوی اولدوغونون دا آیریجا اثباتیدیر".
ایلگیلیلی خبرلر
هاکان فیدان بیرلشمیش عرب امیرلیکلرینه سفر ائدهجک
خاریجی ایشلر ناظری هاکان فیدان بیرلشمیش عرب امیرلیکلرینه رسمی سفر ائدهجک.