هاکان فیدان قیرشهیرده وطنداشلارلا گؤروشونده غزهدهکی قتل عاملارا توخونوب
هاکان فیدان: دونیانی تهدید ائدن بحرانلار، قارشیدورمالار و محاربهلر قارشیسیندا تورکیه و جمهورباشقانی رجب طیب اردوغانین ساغلام دوشونجهنین، عدالتین و ویجدانین سسی اولدو
خاریجی ایشلر ناظیری هاکان فیدان تورکیهنین چتین بیر جوغرافیادا، خصوصاً ده بؤلگهده و بوتون دونیادا حیاتی تهلوکهسی اولان بحرانلارا باخمایاراق، صلح و ثابتلیگین مدافعهچیسی اولماغا داوام ائتدیگینی بیلدیریب.
ناظر فیدان قیرشهیرده وطنداشلارلا گؤروشوب.
ایفطار پروگرامیندا چیخیش ائدن فیدان تورکیهنین 21 ایلده بیر عصری آرخادا بوراخدیغینی و هر کسین بونون شاهدی اولدوغونو بیلدیریب.
فیدان دونیانی تهدید ائدن بحرانلار، قارشیدورمالار و محاربهلر قارشیسیندا تورکیه و جمهورباشقانی رجب طیب اردوغانین ساغلام دوشونجهنین، عدالتین و ویجدانین سسی اولدوغونا دقت چکیب،
"اؤلکهمیزده و بؤلگهمیزده اویونلارین کئچیریلمهسینه هئچ واخت اجازه وئرمیهجییک." دئدی.
ایسرایلین غزهده تؤرتدیگی قتل عاملارا توخونان فیدان تورکیهنین فیلیسطینلیلره دستیینی بیر داها وورغولاییب.
هاکان فیدان غزهده آتشکسین تامین ائدیلمهسی و اینسانی یاردیملارین چاتدیریلماسی اوچون بوتون گوجلرییله سعیلرینی داوام ائتدیردیکلرینی وورغولاییب.
ایسرایلین غزهده تؤرتدیگی وحشیلیکلره قارشی بعضی گروهلارین سسینی چیخارمادیغینی خاطیرلادان خاریجی ایشلر ناظری:
"بیز تورکیه اولاراق اوولدن بونو دئییریک: غزهده درحال آتشکس یارادیلمالیدیر. اینسانی یاردیملار بؤلگهیه فاصیلهسیز داخیل اولمالی و ایندی عدالت تامین ائدیلملیدیر. فیلیسطینلی قارداشلاریمیز پایتختی دوغو قدس اولماقلا اؤز ائگهمن دؤولتلرینه چاتمالیدیرلار.“ دئدی.
ایلگیلیلی خبرلر
آوریل آییندا ایستانبول هاوا لیمانینا گلن یولچولارین سایی 20 میلیونو اوتوب
بو بارهده تورکیه-نین نقلیات و آلت یاپی ناظیرلیگیندن معلومات وئریلیب.