اردوغان:"حاضیردا هدفیمیز اینسانسیز سوآلتی قاییقلار حاضیرلاماقدیر"
جمهور باشقانی رجب طیب اردوغان پایتاخت آنکارادا عسگرلرله إفطار یئمگینده بیر آرایا گلیب.
"بیز بو یای عراق ایله اولان سرحدین تهلوکهسیزلیگینی تام تامین ائدجییک. سوریه-ده یاریمچیق قالان ایشیمیزی تاماملایاجاغیق".
بونو جمهور باشقانی رجب طیب اردوغان پایتاخت آنکارادا عسگرلرله افطار یئمگینده دئییب.
دؤولت باشچیسی "شهیدلرین قانی ایله سولانمیش اؤز اؤلکهمیزده آزاد، باشیمیز اوجا، شرفلی و دینج یاشاماق ایستییریکسه، اویونلاری کورلاماقدان، خاینلرین مقصدلرینه چاتمالارینا مانع اولماقدان باشقا چارهمیز یوخدور. اونا گؤره ده مطلق گوجلو اوردویا صاحیب اولمالیییق. تورکیه چکیندیریجیلیگینی هر زامان ان یوکسک سویهده ساخلامالی اولان بیر اؤلکهدیر. یالنیز اؤز گوجوموزله دوشمنلره قارشی اؤزوموزو قورویا بیلریک".
جمهور باشقانی اردوغان بیان ائدیب کی، گوجلو اوردو میللتین بیرلیگینین، قارداشلیغینین ان بؤیوک اساسیدیر.
جمهور باشقانی اردوغان قانلی ترور تشکیلاتلارینا قارشی آپاردیقلاری چتین موباریزهنین موفقیتله کئچمهسی اوچون عسگرلره هر جور دستکی وئردیکلرینی و وئرهجکلرینی بیلدیریب.
بیر مدتدیر صبیرله حیاتا کئچیردیکلری ترورون منبعینده آرادان قالدیریلماسی ایستراتژینین هم سرحد داخیلینده، هم ده حدودلاریندان کناردا مثبت نتیجهلرینی گؤرمهیه باشلادیقلارینا دقت چکن جمهور باشقانی اردوغان دئییب:
"بیز اؤلمک، یوخ اولماق عرفه سینده اولان بو موقاویلهلی قاتیل دستهلرینین یئنیدن چیچکلنمهسینه و یئنیدن میللتین باشینا بلا اولماسینا ایمکان وئرمهیهجییک. مقصدیمیز اؤولادلاریمیزا ترورون قارانلیق کؤلگهسیندن تامامیله آزاد، یولو و بختی آیدین اولان تورکیه-نی چاتدیرماقدیر".
جمهور باشقانی اردوغان علاوه ائدیب کی، تورکیه سون ایللر ساوونما صنایعسی ساحهسینده بؤیوک اوغورلار الده ائدیب: "حاضیردا هدف اینسانسیز سوالتی قاییقلار حاضیرلاماقدیر".
ایلگیلیلی خبرلر
اردوغاندان آوروپا گونو مئساژی
"آوروپا بیرلیگینین ایلیشکیلریمیزی چیخمازا آپاران سیاست و ایفادهلردن قاچینماسی حیاتی اؤنمه صاحبدیر"