هاکان فیدان :"فیلیسطینلی قارداشلاریمیزی تک قویمایاجاغیق"
بورسا-دا افطار پروقرامینا قاتیلان هاکان فیدان بوراداکی چیخیشیندا ایسراییلین 7 اوکتبردان بری هوجوملار حیاکئچیردیگی غزه-یه توخونوب
خاریجی ایشلر ناظیری هاکان فیدان،"بیز فیلیسطینلی قارداشلاریمیزی هئچ واخت تک قویمایاجاغیق.
بورسا-دا افطار پروقرامینا قاتیلان هاکان فیدان بوراداکی چیخیشیندا ایسراییلین 7 اوکتبردان بری هوجوملار حیاکئچیردیگی غزه-یه توخونوب.
دونیانین چتین بیر دؤوردن کئچدیگینی وورغولایان فیدان دئییب:
"دونیامیزین و بؤلگهمیزین هارا گئتدیگینی یاخشی و دقیق اوخومالیییق. میللی ماراقلاریمیزی قوروماغین یولو گئدیشاتی یاخشی و دوزگون اوخوماقدان کئچیر. بو، بوتون دونیادا یاشایان سویداشلاریمیزی و اوراداکی قارداشلاریمیزی حقیقتن قوروماغین یولودور. بیزیم قلبیمیزدیر". دئدی.
دونیادا بحران و قارشیدورمالارین گئتدیکجه آرتماسی ایله یاناشی، ژئوسیاسی رقابتین ده آرتدیغینی دئین هاکان فیدان دئییب:
"ایسرایل وحشیلیگی غزه-ده تکجه اولوسلار آراسی حقوقو دئییل، هم ده بوتون اینسانی دگرلری تاپدالاماغا داوام ائدیر. باش وئرنلر تکجه غزه ایله محدودلاشمیر، فیلیسطینلی قارداشلاریمیزین تورپاقلاری اوردون چایینین باتی ساحلینده مسکونلاشان ترورچولار واسیطهسیله غصب ائدیلیر. بیز تورکیه اولاراق ، وحشیلیکلرین سونا چاتماسینی ایستییریک." "هر سویهده بوتون گوجوموزله ایشلمهیه داوام ائدیریک. فیلیسطینلی قارداشلاریمیزی هئچ واخت تک قویمایاجاغیق." دئدی.
ایلگیلیلی خبرلر
آوریل آییندا ایستانبول هاوا لیمانینا گلن یولچولارین سایی 20 میلیونو اوتوب
بو بارهده تورکیه-نین نقلیات و آلت یاپی ناظیرلیگیندن معلومات وئریلیب.