تیجارت ناظیری عمر بولات آلمان وه اینگیلیستانا سفر ائده‌جک
تیجارت ناظیری عمر بولات آلمان وه اینگیلیستاندا ایش آداملاری ایله گؤروشجک و یاتیریمجیلارلا یاتیریم ایمکانلاری و ایکی‌طرفلی تیجارتین اینکیشافینی موذاکیره ائده‌جک
تیجارت ناظیری عمر بولات آلمان وه اینگیلیستانا سفر ائده‌جک. ناظیر بولات تماسلار چرچیوه‌سینده هر ایکی اؤلکه‌نین ایش آداملاری ایله گؤروشجک.
ناظیر بولات مارتین 13-ده آلمانین پایتاختی برلینده اولوسلارآراسی تماسلارینا باشلایاجاق. تیجارت ناظیری «کیچیک و اورتا بیزنسین گله‌جیی» آدلی تدبیرده ایشتیراک ائده‌جک.
داها سونرا ناظیر بولات "دایره ماسا توپلانتیسیندا" تورکیه‌ده سرمایه‌لری اولان آلمان ایش آداملاری ایله گؤروشه‌جک، اؤزل سکتور نوماینده‌لری ایله فیکیر موبادیله‌سی آپاراجاق.
تورکیه ایله آلمان آراسیندا 2023-جو ایلده 50 میلیارد دولارا یوکسلن قارشیلیقلی تیجارتین بو ایل 60 میلیارد دولارا چاتماسی هدفلنیر. گؤروشلرده بو مسئله ایله باغلی یول خریطه‌سی موذاکیره اولوناجاق.
تیجارت ناظیری عمر بولات داها سونرا مارتین 14-ده اینگیلیستانین پایتاختی لندنه سفر ائده‌جک.
ناظیر بولات بریتانیالی همکاری کمی بادنوچلا گؤروشه‌جک. ایکی اؤلکه آراسیندا تیجارت و یاتیریم علاقه‌لری قییمتلندیریله‌جک.
ایکی ناظیرین آزاد تیجارت آنلاشماسینین یئنیلنمه‌سی اوزره دانیشیقلارا جون آییندا باشلاناجاغینی آچیقلایاجاغی گؤزلنیلیر.
ناظیر بولات بریتانیا ایش اینسانلاری ایله ده دایره ماسادا گؤروش کئچیره‌جک. همچینین یاتیریمجیلارلا یاتیریم ایمکانلاری و ایکی‌طرفلی تیجارتین اینکیشافی موذاکیره اولوناجاق.
