اردوغان:"باتی و دیگرلری دونیایا اود ووروب یاندیریب‌لار"

جمهور باشقانی رجب طیب اردوغان غزه-ده‌کی ظلمو قانونی‌لشدیرن‌لرین اولدوغونو بیل‌دیره‌رک، "باتی و دیگرلری اؤز تهلوکه‌سیزلیک‌لری اوچون دونیایا اود ووروب یاندیریب‌لار" دئییب.

دؤولت باشچی‌سی اردوغان پایتاخت آنکارادا  "سبیل الرشاد" مدنیت و اینجه صنعت مرکزی‌نین آچیلیش پروقرامیندا ائتدیگی چیخیشیندا ایسراییلین غزه-یه هوجوم‌لارینا رئاکسیا وئریب.

باتی و ایسراییلین اؤز تهلوکه‌سیزلیک‌لری اوچون دونیانی یاندیردیق‌لارینی وورغولایان جمهور باشقانی اردوغان دئییب:

"اینسان حاق‌لاری، دموکراسی، آزادلیق و تهلوکه‌سیزلیک آنلاییشلاریندان‌ ایسراییلین غزه-ده حیاتا کئچیردیگی ظلمو بئله قانونی‌لش‌دیرمک اوچون ایستیفاده ائدن‌لر بون‌لار دئییل می؟ هر شئیی اودسا‌لار دا قانع اولمایان‌لار و باشقا یوخدورمو دئین‌لر بون‌لار اولما‌لی‌دیر. حتی ظلمو قانونی‌لش‌دیرن‌لر ده وار".