تورکیه غزه-یه یاردیم الینی اوزاتماغا داوام ائدیر
تورکیه قیزیل آی جمعیتینین صدری فاطما مئریچ ییلماز غزه-یه تخمینن 2700 تون یاردیم ماتئریالینین چاتدیریلاجاغینی بیلدیریب.
2110749
تورکیه قیزیل آی جمعیتینین صدری فاطما مئریچ ییلماز غزه-یه تخمینن 2700 تون یاردیم ماتئریالینین چاتدیریلاجاغینی بیلدیریب.
فاطما ییلماز سوسیال مئدیا حسابیندا ائتدیگی پایلاشیمیندا غزه-یه یاردیم آپاراجاق داها بیر گمینین قیزیل آی قروپلاری طرفیندن حاضیرلاندیغینی قئید ائدیب.
فاطما ییلماز بیلدیریب کی، تخمینن 2700 تون یاردیم ماتئریالینین گمییه یوکلنمه ایشلری داوام ائدیر. گمی مرسین لیمانیندان یولا دوشهرک میصره چاتاجاق. داها سونرا یاردیم ماتئریاللاری یوک ماشینلاری ایله رفح سرحد-کئچید منطقهسیندن غزه-یه چاتدیریلاجاق.
قئید ائدک کی، اوکتبرین 7-دن ایسراییلین غزه زولاغینا شدتلی هوجوملاری نتیجهسینده اکثریتی اوشاق اولماقلا 30 میندن چوخ اینسان حیاتینی ایتیریب.