هاکان فیدان آنتالیادا افریقا اؤلکه‌لری‌نین نوماینده‌لریله گؤروشوب
خاریجی ایشلر ناظیری هاکان فیدان 1-3 مارس تاریخ‌لرینده کئچیریلن 3-جو آنتالیا دیپلماسی فورومو چرچیوه‌سینده افریقا خاریجی ایشلر ناظیرلری و بولگه‌سل تشکیلات‌لارین رهبرلری ایله گؤروشوب.
خاریجی ایشلر ناظیری هاکان فیدان 1-3 مارس تاریخ‌لرینده کئچیریلن 3-جو آنتالیا دیپلماسی فورومو چرچیوه‌سینده افریقا خاریجی ایشلر ناظیرلری و بولگه‌سل تشکیلات‌لارین رهبرلری ایله گؤروشوب.
دیپلوماتیک منبع‌لردن الده ائدیلن معلوماتا گؤره، هاکان فیدان نوماینده‌لره مراجعتینده تورکیه-نین افریقا اؤلکه‌لری ایله سیستم‌لی و چوخ طرف‌لی امکداش‌لیق مدلی اینکیشاف ائتدیردیگینی وورغولایا‌راق، علاقه‌لرین برابر طرفداش‌لیق و قارشی‌لیق‌لی حؤرمت پرینسیپ‌لرینه اساسلاندیغینی بیلدیریب.
تورکیه-نین 44 افریقا اؤلکه‌سینده سفیرلیگی‌نین اولدوغونو وورغولایان هاکان فیدان قاره ایله تیجارت حجمی‌نین 40 میلیارد دو‌لاری، تورکیه‌نین بؤلگه‌یه یاتیردیغی بیرباشا یاتیریم لارین مبلغی‌نین ایسه 6 میلیارد دو‌لاری کئچدیگینی قئید ائدیب.
افریقانین هله ده "نئو استعماری" گوجلر آراسیندا موباریزه بؤلگه‌سی اولدوغونو خاطیرلا‌دان ناظیر هاکان فیدان قاره نین اینکیشاف، ارزاق و بورج الده ائتمک کیمی پروبلئم‌لرله، ائله‌جه ده اوزلشدیگی تهلوکه‌سیزلیک ریسک‌لری ایله موباریزه‌ده تورکیه-نین دستکینه دقت چکدی.
افریقانین پروبلئملرینین ده یینئ قیته حل ائدیلمه‌سی‌نین واجیب‌لیگینه دقت چکن هاکان فیدان اوچونجو تورکیه-افریقا ناظیرلر گؤروش کنفرانسی‌نین کئچیریله‌جگینی بیلدیریب.
قئید ائدک کی، 3-جو آنتالیا دیپلماسی فوروموندا افریقا قاره سیندن 9 دؤولت و حکومت باشچی‌سی ایله 25 خاریجی ایشلر ناظیری ایشتیراک ائدیب.
