جانت یلن محمت شیمشک و فاتح کاراهان ایله گؤروشوب
امریکانین مالیه ناظیری محمت شیمشک و تورکیه جمهوریتی مرکزی بانکینین (TCMB) صدری فاتح کاراهان ایله گؤروشوب.
امریکانین مالیه ناظیری جانت یلن گ20 توپلانتیلاری چرچیوهسینده تورکیه-نین خزینه و مالیه ناظیری محمت شیمشک و تورکیه جمهوریتی مرکزی بانکینین (TCMB) صدری فاتح کاراهان ایله گؤروشوب.
امریکا مالیه ناظیرلیگیندن وئریلن آچیقلامایا گؤره، جانت یلن برزیلیانین سائوپائولو شهرینده کئچیریلن گ20 مالیه ناظیرلری و مرکزی بانکی رهبرلری توپلانتیسی چرچیوهسینده شیمشک و کاراهان ایله گؤروشوب.
گؤروشده ایکی طرفلی موناسیبتلرین اهمیتی وورغولانیب، تورکیه و امریکانین مهم بولگهسل پروبلئملرین حلینده، او جملهدن چیرکلی پوللارین یویولماسی و ترورون مالیلشدیریلمهسی ایله موباریزه و بو چرچیوه ده تحریم لرین تطبیقی اوچون نئجه بیرگه ایشلهیه بیلهجگی موذاکیره اولونوب.
جانت یلن ایکس حسابیندا وئردیگی آچیقلامادا بونلاری دئییب:
"ناظیر محمت شیمشک ایله تورکیه و امریکانین مهم بولگهسل پروبلئملرین حلینده نئجه بیرگه ایشلهیه بیله جگیمیزی موذاکیره ائتدیم. ایکی طرفلی علاقهلریمیزین اهمیتینی ده وورغولادیم".